[A:127a]bcu'i sangs rgyas dang zhu 'phrin mdzad pa la sogs pa dang / gzhan yang de nas zhag 'ga' song ba'i dgongs mo nyi ma nub pa dang dus mnyam par bla ma chen po gzhal yas khang na bzhugs pa'i spyan sngar chings sangs bcu gnyis sogs skal ba dang ldan pa 'ga' 'khod pa na/ gsur gyi dri yin pa la sngar tshor ma myong ba'i dri zhim pa zhig byung / de cher song bas chings sangs rnams kyis de'i dug ma bzod pa skyugs pa chal chil du shor/ yon khris 'di lta bu ci lags zhus pas/ rig pa 'dzin pa brgyad cu mkha' la byon nas gnas dang yul la sogs pa'i dpa' bo mkha' 'gro rnams kyi mchod pa dang / dur khrod brgyad kyi tshil chen gyi dud pa yin pas/ de'i dri khyed gang zag tha mal pa rnams kyi dbang pos mi bzod pa bden zhes gsungs nas/ nang mchod kyi ka pA la nas bdud rtsi thigs pa re khong rnams kyi lce thog tu bzhag pas rig pa rnams mchog tu dwangs par gyur to/ /de'i tshe mdun gyi nam mkha' la klu sgrub gtso bor bzhugs pa'i g.yas su rnal 'byor dbang phyug dang / g.yon du padma badzra la sogs pa rig pa 'dzin pa brgyad cu/ dpa' bo rnal 'byor ma'i tshogs nam mkha' gang ba dang bcas pas 'phags pa rin po che'i dbur phyag bzhag nas gdams pa dang rjes su bstan pa/ lung bstan pa/ mchog tu mnga' gsol ba dang / shis pa brjod pa la sogs mdzad cing / chos 'khor rdzogs pa'i nyi ma bcu bzhi pa'i nyin 'du ba chen po'i dbus su bla chen chos kyi rgyal po byon te bsngo ba'i yon bshad chen mo mdzad/ nyi ma'i snga cha la nam mkha'