[A:15b]pa yin te zer nas she bcad skad/ de dus yum dang mjal khar bla chen gyi sku'i rjes brag la gsal por byung ba da lta yang yod ces grags so/ /de nas sku bsnyung ba las gdangs nas ngur smrig pa brang ti dar ma snying po la mngon pa tshar gcig gsan nas ma lus pa thugs su chud pas kun gyis ngo mtshar du 'dzin par byung / de nas dge bshes brang ti sku gshegs te zur chos pa byang chad pa khyung la sa sde lnga dang / sdom rnam gnyis dang bcas pa gsan cing / de'i rjes su nyang stod du khyung rin chen grags la rnam nges dang rigs thig la sogs pa gsan/ de'i dus kyi zur chos pa me dig pa yin no/ /de tsa na sa skya pa'i gzhis pas 'phrin bskur te/ tshad ma phyis gsan pas chog bla ma ba ri ba bgres pas phyis gsan long mi yong bas yar 'byon par zhu zhes zhus pas bla mas kyang yar byon nas/ bla ma ba ri ba la pha rol tu phyin pa'i gzhung lugs dang / 'phags pa dkon mchog brtsegs pa dang / sangs rgyas phal po che las gzhung rab tu dbye ba dang / de'i man ngag dag kyang gsan/ bya ba'i rgyud las rgyud sde dum bu nyis brgya tsam yan lag dang bcas pa man ngag phra mos brgyan pa gsan cing / spyod rgyud la gshin rje gshed/ khro bo rnam par rgyal ba yan lag dang bcas pa gsan/ rnal 'byor chen po'i rgyud la dpal gsang ba 'dus pa rtsa ba dang bshad pa'i rgyud lnga/ slob dpon 'phags pa yab sras kyi dgongs pa 'grel pa yan lag phra mo dang bcas pa/ sangs rgyas ye shes zhabs kyi dgongs pa 'grel pa yan lag phra mo dang bcas pa rnams dang / gshin rje