R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}
[A:153a]sogs mthar phyin pa/ /'phags pa bzhi yi go 'phang mngon gyur nas/ /
skye rga na 'chi'i/
chu bo bzhi las 'gro kun 'dren mdzad pa'i/ /bla brang gzhi thog gdung rabs 'di ngo mtshar/ /skyes sbyangs bsgoms pas mkhyen rab dang ldan zhing / /thos bsam bsgrubs pas rang don mthar phyin nas/ /'phrin las rnam bzhis gzhan don skyong mkhas pa'i/ /sprul pa'i skyes mchog rnams la snying nas 'dud/ /lung dang rtogs pa'i yon tan gyis phyug cing / /bsnyen sgrub las gsum bya ba mthar phyin pas/ /bstan srung dbang po thams cad bran 'khol ba/ /khyed rnams bzhin du bdag kyang 'gyur bar shog /bar skabs kyi tshigs su bcad pa'o// //
gnyis pa rin chen sgang bla brang pa'i gdung rabs bshad pa la yang / tshigs bcad kyi sgo nas mdor bstan pa dang / de'i don rgyas par bshad pa gnyis las/ dang po ni/ rje btsun sa skya pa'i gdung rabs ya rabs kha rgyan las/ gzhi thog bla brang pa'i gdung rabs byon tshul bshad zin pa'i mjug de ma thag tu/ bdag nyid chen po'i btsun mo zha lu ma/ /ma gcig gzhon 'bum mtshan gzhan lug skyes la/ /ta dben kun rin 'jam dbyangs don yod pa/ /'gro mgon bsod nams rgyal mtshan mched gsum 'khrungs/ /'jam dbyangs don yod btsun mo zha lu ma/ /ma gcig yon tan dpal 'bum zhes bya'i sras/ /nyi ma rgyal mtshan bla chen kun rgyal gnyis/ /bla chen kun rgyal btsun mo zha lu ma/ /ma gcig nam mkha' rgyal mo zhes bya la/ /'jam dbyangs chen po nam mkha' rgyal mtshan dang / /