[A:16b]bka' babs rdo mgon yid bzhin gyi nor bu yang bla ma 'di nyid kyis rje sa chen la gnang ba yin no/ /de nas bla ma sa chen la gdan sa gtad de yun mi ring ba na ba ri lo tsA ba bar phug tu sku gshegs so/ /de nas bla mas grom pa g.yu rtse 'byid phur/ me lhang tsher la rnam nges/ rigs thig brgya 'grel bam po bco lnga pa dang / dbu ma rang rgyud shar gsum du grags pa gsan zhing khongs su chud par mdzad do/ /de nas bla ma gnam kha'u pa'i drung du byon nas/ bya ba'i rgyud la rig pa mchog gi rgyud legs par grub pa/ dpung pa bzang po/ phyag rdor dbang bskur ba'i rgyud/ gsang ba spyi rgyud/ bsam gtan phyi ma/ dam tshig gsum bkod pa la sogs pa'i rgyud/ de'i 'grel pa yan lag dang bcas pa/ spyod rgyud la rnam snang mngon byang rgyud 'grel pa phran dang bcas pa/ rnal 'byor gyi rgyud de nyid 'dus pa/ de'i 'grel pa de nyid snang ba/ ko sa la'i rgyan/ dpal mchog dang po'i rgyud/ de'i 'grel pa stong phrag nyi shu rtsa lnga pa/ rdo rje rtse mo/ khams gsum rnam rgyal/ mgon po kun snang / ngan song sbyong rgyud/ thams cad gsang ba rgyud 'grel dang bcas pa/ yang de nyid 'dus pa'i don 'grel a wa ta ra/ bsnyen sgrub kyi gzhung rdo rje 'byung ba/ khams gsum rnam rgyal/ gtsug dgu la sogs pa gzhung phra mo du ma dang bcas pa dang / rnal 'byor chen po'i rgyud la slob dpon 'phags pa yab sras kyi dgongs 'grel sgron gsal/ rim lnga mdo bsre dang / ArYa de wa'i spyod bsdus/ bdag byin gyis brlab pa'i rim pa/ sems kyi sgrib sbyong / klu'i bshes gnyen