[A:17b]bas/ zam pa phyi ma la mi gsum/ bar pa la bdun/ nye shos la mang po cig bsgral ba rmis/ cung zad bsnyel te nyi ma gcig la bsnyel gso ba snyam byed tsa na mnal sad nas/ nang par sgyi chu bas bla ma 'di la rmi lam dris pa na 'di ltar byung zhus pas/ bla ma sgyi chu ba'i zhal nas/ khyod kyi 'khos kyis mi gsum las ga la sgrol nus zhes zhal kyal yang gsungs zhes grags so/ /de nas sngar yab la gsan pa'i kye rdo rje'i rgyud rgyas pa gsum/ 'grel pa ku mu ti yan lag phra mo man ngag dang bcas pa/ bram ze nag po'i srol gyi dges rdor/ rnal 'byor sbyor phreng zhes bya ba'i 'grel pa yan lag du ma dang bcas pa/ snying po'i skor gyi grub pa sde bco brgyad/ grub pa'i khongs su gtogs pa dang snying po'i skor phra mo nyi shu rtsa lnga yan lag dang bcas pa shin tu zab pa'i man ngag gis brgyan pa dang / bla ma 'brog mi'i bshad srol gyi mahA mA yA 'grel pa gnyis yan lag dang bcas pa dang / zla gsang thig le dang sangs rgyas thod pa 'grel pa yan lag dang bcas pa dang / mar pa lo tsA ba'i bshad srol gyi gur brtag gdan bzhi/ mahA mA ya rgyud rkyang pa dang bzhi'i bshad pa man ngag dang bcas pa/ bla ma mnga' ris pa'i bshad srol/ rang rgyud shar gsum/ bslab btus/ spyod 'jug dang bcas pa rnams gsan zhing khong du chud par mdzad do/ /de'i dus su khong la grwa pa brgyad cu tsam yod pa'i nang nas/ sa chen 'di nyid kyis lung dang rig pa phyin ci ma log par mkhyen pa dang / 'jam dpal gyis rjes su bzung ba'i stobs kyis chos gsan pa kun tshar re la mkhyen te/ bla ma