[A:188b]gong bzhin khrid nas mthu dang stobs med par dam la thogs pa gzigs te/ mi phyed pa'i dad pa thob cing de phyin chad rnga brdungs la yid gang yod ches pa cig byung zhes grags pa dang / gzhan yang bdag nyid chen po 'di ni mthu dang nus pa'i mnga' bdag tu gyur pa'i stobs kyis 'dis sgrig par mdzad pa'i po ti me 'bar mar grags pa de/ gzims dpon nam shes grogs mched kyis rgyal rtse nas blang ste sa skyar khyer 'ong ba'i lam zhong nga'i mdar chom rkun pa 'ga' zhig gis phrogs te khyer nas khong rnams kyi yul du phyin pa na/ yul der mi 'dod pa'i ltas sna tshogs byung zhing / khyad par phyag dpe gang du bzhag sar me 'bar bas khong rnams kyis nyer tshags ma nus par ra sa rdzong pa'i lag tu byung / der yang cho 'phrul sna tshogs byung ste rnam rtog gi ngang du yod pa na/ re zhig nas sman grong drung rdor bas der byon dus de bzhin gyi gsung gleng byung bas rje'i phyag dpe yin par nges te/ rdzong pa dngos kyis 'bul ma nus par drung rdor ba brgyud nas phul/ de phyin mgon pod 'di nyid la deng sang gi bar gyi bu phyi yang phyi dang bcas pa kun la mgon pod me 'bar mar grags pa 'di byung zhing / de ltar bu'i ma phye bdag chen rang gi phyag dpe dngos de ni rgyal mkhar rtse ba'i zhal ngo rnams kyi sku srung du bzhugs pa/ dus phyis drung 'phags pa tshul khrims pa'i phyag brgyud de sa skya pa sngags 'chang ngag dbang kun dga' bsod nams bdag gi lag tu rtsol med du byung ba deng sang skal ldan rnams kyi mchod pa'i yul du gdan sa 'di nyid na bzhugs pa 'di yin no/ /yang skabs shig gi tshe