[A:201b]bcas thun du bcad/ /kun gyi rtsa ba zhen log yin/ /mthun 'jug thams cad spang 'tshal lo/ /zhes gsungs pa ltar phyag len la khel ba mdzad ces grags so/ /de nas yang gnas mchog rnams su sgrub pa la phebs te ngo mtshar ba'i ltas ji ltar byung ba'i tshul ni/ lan cig gi tshe kha rag thod bur sgrub pa la phebs te/ der phebs su nye ba na sa phyogs de'i bar snang la rgyan du mas brgyan pa'i bud med kyi rta pa gsum phar rgyug tshur rgyug byed pa mngon sum du gzigs te/ kha rag khyung btsun ma mo dga' nas bsu ba byed pa yin 'dug ces gsungs shing / de'i rjes thogs la skyes pa gcig gis zho rdza gcig khyer/ bu mo skran khyer ma gcig khyer nas byin rlabs zhu ba yin zer ba zhig byung ba la/ de gzhi bdag gi cho 'phrul yin par dgongs nas 'bul ba blang byin rlabs mdzad pas/ de 'phral la mo'i na zug zhi zhing / de nas der bzhugs sa dam pa phug bya ba rje dam pa sangs rgyas kyi bzhugs gnas yin pa gcig yod pa der mdzad pas/ re zhig na sngags pa bag dron skra dpung pa gnyis su nyi le ba byas pa gcig dngos su byung nas/ bdag nyid chen po la/ khyod 'dir ci la yong zer ba la/ bla ma 'dis nged gnas bskor du 'ong gsungs pas/ yang de na re/ gnas bskor nas ci byed zer ba dang / bdag nyid chen pos gnas bskor nas rig pa'i rtsal sbyangs pa yin gsungs pas/ sngags pa de 'dzum dmul byas phyag cig btsal nas gar song cha med la song ba zhig byung ste/ de yang gzhi bdag gi cho 'phrul du 'dug ces gsung bar bshad la/ de nas kha rag tu zla ba lnga'i bar