[A:202b]la/ mi nag po gcig gis ras phyam la gtum pa'i khur po gcig khur byung nas/ de ci yin nam snyam du dgongs tsa na/ mi ro gcig 'dug pa gtor ma'i gral du bzhag ste song ba dang / de la ched du gtad nas gzigs pa na mtho gang tsam du 'gro/ ched gtad ma gzigs par rang gar bzhag pa na mi dang bong mnyam par 'dug pa gzigs pas/ de'i nyin par rwa sgreng gi phu na 'bri khung pa yin pa'i bla ma phyug po cig yod pa mjal ba la byung nas/ phyag rten du rten khebs gcig phul nas/ gnam gzer la phan pa'i gdams ngag cig gnang ba zhu zhu ba la/ de dus bdag nyid chen po 'di 'phral chas thung nges las med pa dang / sgrub mchod kyi chas rkyen ma 'grigs par yod pas chos skyong gis 'tsho chas kyi rten 'brel bsgrig par gnang mod kyang / bdag nyid chen po 'dis dge sbyor la gnod dam snyam du dgongs nas de la gdams ngag de ma gnang / de dus gdams ngag de byas na rang gzhan gnyis ka la phan par 'dug pas zhes gsungs zhes kyang grags shing / yang de skabs su gshed dmar gyi lus dkyil 'god lugs kun kyang thugs kyi nyams snang la gsal bar byung ba phyis slob dpon dpal 'dzin gyi gzhung la gzigs pas sngar thugs kyi nyams snang la shar ba dang / gzhung nas bshad pa gnyis ji lta ba bzhin mthun par 'dug pas/ da lta 'di'i byin rlabs byed tsa na nga la nges shes 'drongs pa gcig yod pa yin gsungs zhes pa la sogs pa gzigs snang khyad par ba du ma byung zhing / de nas nyan po dgon pa/ zho lung mtsho kha/ gro sa dgon pa/ rgya ma