[A:204a]phebs/ sbrul lo zla ba gnyis pa'i tshe pho brang chen po rnam thang du phebs/ gong ma chos rgyal chen po dang mjal nas chos kyi gsung gleng mang du mdzad pas/ rgyal po chen po de slar yang dad pa'i spu long ches cher g.yos te gsang sngags zab mo'i lam gyi smin grol stsol bar gsol ba btab pa na/ bdag nyid chen po 'dis thog mar dpal dges pa rdo rje'i dkyil 'khor du smin byed kyi dbang bskur ba zab mo stsal te rgyud smin par mdzad cing / gzhan yang bstan srung nag po chen po'i rjes gnang la sogs pa zab chos du mas thugs tshim par mdzad de/ de nas gru gzings la sogs pa bkod pa khyad par can gyi chu 'jam las gdan drangs te/ pho brang chen po ta'i tu zhes bya bar phebs nas der skabs bzhugs gnas la ha phin se zhes bya ba'i sde chen po gsar du bzhengs par mdzad cing / rgyal po chen pos sngon bcom ldan 'das la khyim bdag mgon med zas sbyin gyis bsnyen bkur ba dang tshul mtshungs par chos rje nyid la gus pa chen po'i zhabs tog tshul bzhin du bsgrubs/ mchod gnas thams cad kyi phud du khur/ khyad par sngar sa skya pa brgyud pa nas brgyud par bcas pas mdo sngags kyi bstan pa yongs su rdzogs pa'i bdag nyid chen po mdzad nas/ sems can mang po smin cing grol bar mdzad pa'i lugs bzhin khyed kyis mdzad dgos zer nas/ bdag nyid chen po 'di la kun mkhyen yang dag par rig pa/ theg chen chos kyi rgyal po/ nub phyogs kyi mchog tu dge ba/ rdo rje kun khyab/ 'od zer chen po'i sangs rgyas khyab bdag rdo rje 'chang dbang la