[A:231b]dang / rdo rje bdag med ma'i byin rlabs la sogs pa snyan brgyud zab mo'i byin rlabs kyi rim pa nyer gsum tsam dang / sgrub thabs brgya rtsa dang rgya mtsho ste rjes su gnang ba'i bka' srol chen po gnyis dang / mi g.yo ba dkar sngon gyi rjes gnang sogs rjes gnang zur bkar grags pa bcu phrag bzhis lhag pa dang / dus 'khor 'grel chen gyi bshad bka' dang / kye rdor rgyud gsum gyi bshad bka' sogs rgyud dang / rgya bod kyi mkhas grub tshad ldan rnams kyis mdzad pa'i rgyud 'grel zab mo'i bshad bka'i rnam grangs bcu gsum tsam dang / gzhan yang sor sdom dang / byang sems kyi sdom pa'i bslab bya ston pa'i gsung rab du ma dang / sgra dang / sdeb sbyor snyan ngag skar rtsis la sogs pa tha snyad kyi rig pa dang / gzhan yang gong du bshad pa'i dbang khrid byin rlabs rnams kyi rgyab rten gyi bka' dang bstan bcos sogs lung gi tshogs rab tu mang po sogs chos kyi rnam grangs re re nas kyang lan grangs mang po zhig stsol bar mdzad cing / yang bstan pa rin po che yun ring du gnas pa dang / dngos dang brgyud pa'i gdul bya rnams la phan pa'i slad du legs bshad gsar du mdzad pa yang / rje btsun sa skya pa yab sras rnams la mchod yar gyi tshigs bcad/ rtsa ba'i bla ma bzhi la bstod pa sogs gsol 'debs dang bstod pa'i skor du ma dang / rje sangs rin dang / glo bo mkhan chen pa gnyis kyi rnam thar/ gzhan yang sgrub thabs/ dkyil 'khor gyi cho ga khrid yig lha so so'i rjes gnang gi yi ge chos skyong gi bskang ba bstod pa/ nyid kyi gsan yig padma rA