[A:243a]gi brang khang mig dgu na/ /pha ming pa gor he 'dod ces bya dang / /ma ming bran ka bza' sgron skyid kyi bu/ /gan jag thang mtha' zhes bya lo brgyad pa/ /de la bslabs pas lo tsA rtsod med 'byung / /zhes gsungs pa 'dis grub/ sa skya paN chen dang bai ro tsA na tha dad med pa ni/ gter ston sangs rgyas gling pa'i gter ma kong po pu ri phug mo che nas spyan drangs pa'i bla ma dgongs pa 'dus pa'i lung bstan bka' rgya'i las can nyi shu rtsa gcig gi lung bstan las/ lo tsA ba gor bai ro tsa na khyod/ /tshe rabs bskal bzang da dus tshigs la phan/ /de bzhin ma 'ongs dus kyi mthar thug pa/ /rim bzhin 'gro rnams 'dren dang bstan pa skyong / /khyad par dmu rgod 'dul mgo 'chol ba'i tshe/ /sa zhes bya ba shAkya'i zhing khams su/ /sgra bsgyur lo tsA paNDi blo stobs can/ /sa skyong rgyal po'i mchod gnas byed pa ste/ /dmu rgod kha gnon 'gro la phan pa 'byung / /rgyud mang rim bzhin de bzhin bsam mi khyab/ /ces lung bstan pa 'dis grub/ de bzhin gshegs pa dri ma med pa'i dpal rje sa paN dang ngo bo gcig pa ni/ sngon rje btsun rin po che grags pa rgyal mtshan gzugs sku chos dbyings su bsdus zin pa'i dus re zhig gi tshe na rje sa paN la rje btsun rin po che dang / rnal 'byor gyi dbang phyug birWa pa dang / grub chen nag po pa gsum gyi sku'i snang ba dngos su bstan zhing / rje btsun rin po che'i zhal nas/ khyod skye ba 'di'i 'og rol du mkha' la gnas pa'i rig pa 'dzin par gyur nas/ sa lam gyi rtogs pa phal cher bgrod de de nas rgya gar shar