[A:283b]pa zhig khyed mkhyen zhes phur tshugs su gsol ba 'debs kyi 'dug pas/ gu ru rin po che de nyid dges pa'i rnam 'gyur du ma zhig mdzad de/ de nyid kyi thugs ka nas 'od zer sna lnga 'ja' tshon lta bu zhig bdag gi snying gar thim pa'i snang ba byung bas/ de'i rkyen gyis nyi ma yang shar te byas 'gyur gyi lung pa thams cad 'od kyis gang nas 'dug pa dang / gnyid sad de shin tu phongs pa cig byung / de ltar rmis pa'i rkyen gyis slob dpon rin po che rje 'bangs nyer lnga rnams la gsol ba 'debs pa'i tshigs bcad gcig kyang byas yod ces rtsa ba'i bla ma sngags 'chang ngag gi dbang po kun dga' rin chen dang dbyer med pa'i slob dpon rin po che dang / gzhan yang rigs 'dzin rig pa'i bla ma brgyud pa rnams dang / yi dam zhi khro rdo rje'i chos skyong / mkha' 'gro sde lnga sogs zhal gzigs shing / gdams pa dang rjes su bstan pa mang po nod par bdag nyid chen po rang nyid kyi zhal gyis bzhes pa 'di ni shin tu yid ches pa'i gnas yin zhing / de dus nyin par sku 'chag pa'i slad du byas 'gyur gyi shar gyi mchod rten la zhabs bskor la phebs pa'i tshe/ dgon pa'i sprin zam gyi 'og tsam gyi brag lam na yod pa'i zhabs rjes 'di dang / da lta mchod khang na bzhugs pa'i rdo skas kyi sen la byung ba'i zhabs rjes 'di gnyis kyang 'jog par mdzad pa yin no/ /gzhan yang byang pa chos rgyal chen po'i phyag na yod pa'i slob dpon padma'i gter sku tshe chu ma la gsol ba 'debs par mdzad pa na/ de las tshe chu dngul chu lta bu skya sram gyis rje nyid kyi phyag mtheb kyi steng du dngos su byung ba