[A:304a]bar mdzad pa na/ phyogs de nyid na g.yag reng rkyang 'khong du grags pa'i la chen po grang ba'i reg cha shin tu che ba zhig yod pa la/ sang nyin dpon slob rnams phebs pa'i do nub sku 'khor ba rnams nang par grang ba'i ngad pa chen po 'byung ngo zhes 'jigs pas yid ngal bar gyur pa na/ sang nyin bdag nyid chen po dpon slob rnams lhan cig pas la de la phebs pa'i tshe/ de dus dgun shin tu grang ba'i dus yin kyang dbyar gyi skabs bzhin ri'i ngos thams cad rmugs pa chen pos khyab cing / sngags 'chang bla ma nyid kyi sku la 'ja' dkar po zhig mdung tshugs kyis zug pa dang / sku'i g.yas g.yon gyi thad la chos skyong gi sprul pa'i bya rog gnyis gshog sgra 'byin bzhin pa dang bcas 'phur 'gro ba dang / rmugs pa de nyid kyi gdugs kyi rnam pas sku 'khor rnams la yang grang ba'i reg byas nyen pa lta ga la zhig ste/ dbyar tsha ba'i dus bzhin tshad pas gdungs pa'i lus thams cad rngul bun ne ba dang bcas pa la de nyid ma sgrol bar du byung pas/ phyogs der rgyun du 'grul byed pa'i rgan rabs rnams na re/ e ma ya mtshan che/ dbyar gzhan du tshad pa che ba rang gi dus su yang ri 'di la grang ba'i sdug bsngal kho na dus rtag tu yong ba la/ da lan gcig pu ngo mtshar ba'i rtags 'di bzhin 'byung ba ni/ sa skya bdag chen gyi byin rlabs las byung ba yin yang dag go zhes kun kyang sgrogs par gyur cing / de lta bu ni rje btsun sngags 'chang bla ma 'di nyid 'byung ba bzhi la rang dbang brnyes pa'i grub pa'i mtshan ma yang dag par rig par bya ste/ 'ga' zhig rdo brag sogs la