[A:49b]te yi ge'i yan lag lnga dang / gza' dang / tshes dang / skar ma dang / sbyor ba dang / byed pa ste rtsis kyi yan lag lnga dang / gza' lnga so so'i myur ba dang / bul ba dang / drang po dang / 'khyog po'i rkang pa btsal ba dang / khyim dang / longs spyod dang / de dag gi dge legs kyi rtsis dang / sgra gcan gyi gdong dang / dus kyi me dang / de dag gis nyi zla 'dzin pa dang / du ba mjug ring 'char ba dang / nub pa la sogs pa'i phyi'i rtsis mtha' dag dang / nang gi rtsa rlung dang / nyi ma dang / zla ba dang / gza' dang / sgyu skar dang / dus sbyor dang / dbugs dang / chu srang dang / dbyug gu dang / 'pho ba dang / chu tshod dang / thun tshod dang / nyin mtshan dang / nyi zla gza' 'dzin dang / de dag la brten nas ye shes 'char ba dang / nub pa dang / mngon par rdzogs pa 'tshang rgya ba'i rtsis mtha' dag legs par mkhyen pa yin no/ /deng sang bod kyi dge ba'i bshes gnyen 'gran zla med par grags pa 'ga' zhig rang gi slob mas bzo rig pa la mkhas pa'i sgrub byed du gzhal yas khang dang / sku gzugs kyi chag tshad shes pa tsam bkod nas/ de nyid kyi lag tu blang ba'i rim pa la gos kyi tshem bu snal ma mi shes kyang / rig pa'i gnas lnga la mkhas par byas pa lta bu ni ma yin gyi/ bdag nyid chen po 'dis ni lag tu blang ba'i rim pa rnams kyang legs par mkhyen nas/ bla ma rje btsun chen pos nang rten dbu rtse rnying ma na bzhugs pa'i rje btsun 'jam pa'i dbyangs kyi sku gzugs kyi ru shing dang spra bzo la sogs pa chos kyi rje nyid kyis mdzad pa 'di ni