[A:50b]blang ba'i rim pa dang bcas pa legs par bstan nas 'byung ba 'khrugs pa'i mtshan nyid can gyi nad zhi bar byed pa la sman pa'i rgyal po 'tsho byed gzhon nu'i gsos lta bu yin no/ /nang rig pa yang nyid kyi gsungs las/ bde bar gshegs pa'i gsung rab sde snod rin po che gsum gyis bsdus pa pha rol tu phyin pa dang / gsang sngags yin pa las pha rol tu phyin pa'i sde snod la lhag par shes rab kyi bslab pa gtso bor ston pa mngon pa'i sde snod dang / lhag pa tshul khrims kyi bslab pa gtso bor ston pa 'dul ba'i sde snod dang / lhag pa'i ting nge 'dzin gyi bslab pa gtso bor ston pa mdo sde'i sde snod dang / shes rab kyi pha rol tu phyin pa la sogs pa zab pa dang / sdong po bkod pa la sogs pa rgya che ba'i gzhung lugs mang du thos pa dang / rdo rje theg pa la bya ba dang / spyod pa dang / rnal 'byor dang / rnal 'byor bla na med pa'i rgyud sde rnams rtsa ba dang bshad pa'i rgyud 'grel ba dang bcas pa mang du thos pa dang / de dag gi ji ltar nyams su blang ba'i rim pa smin par byed pa dbang gi bya ba dang / grol bar byed pa lam gyi sgo nas ting nge 'dzin gyi lam gyi mtshan nyid dang / de ma skyes pa skyes par byed pa'i thabs dang / skyes pa bogs dbyung ba dang / lam gyi sa mtshams dang / lam gyi gegs sel dang / ting nge 'dzin gyi drod rtags dang / ye shes skye ba'i rim pa dang / 'jig rten dang 'jig rten las 'das pa'i sa dang lam gyi bgrod tshul rten cing 'brel par 'byung ba phyin ci ma log pa ston par byed pa/ rtsa ba rdo rje'i tshig lam 'bras bu dang bcas pa'i gdams ngag gi gnad tshe