R755: དཔལ་ལྡན་བླ་མ་དམ་པ་རྣམས་ལས་དམ་པའི་ཆོས་ཐོས་པའི་ཡི་གེ་དོན་གཉེར་གདེངས་ཅན་རོལ་པའི་ཆུ་གཏེར། གླེགས་བམ་དང་པོ།

« Title Page

Pagination (Witness A): 108

Last Page »

[A:108]དཔལ་ལྡན་རྒྱལ་མཚན། བྲང་ཏི་པ་ཀུན་དགའ་བཟང་པོ། བྲང་ཏི་སྟག་ལྷ་དཔལ། བྲང་ཏི་རྡོ་རྗེ་དཔལ་བཟང༌། བྲང་ཏི་ཆོས་རྒྱལ་བཀྲ་ཤིས། བྲང་ཏི་ལྷ་རྗེ་ཀུན་དགའ་དོན་གྲུབ། དགེ་སློང་ནམ་མཁའ་དཔལ་བཟང༌། དབོན་

་་་་་འདི་ཕན་ཆད་སླར་དཔྱད་དགོས།

ནམ་མཁའ་སངས་རྒྱས། ཤར་པ་ཤེས་རབ་འབྱུང་གནས། དགེ་སློང་ཀུན་དགའ་རྣམ་རྒྱལ། མཁས་གྲུབ་ཆེན་པོ་སངས་རྒྱས་ཕུན་ཚོགས། དྲུང་འཚོ་ཡེ་ཤེས་མཚན་ཅན། མཁན་ཆེན་དཔལ་ལྡན་ཆོས་སྐྱོང༌། དེས་བདག་ལ་བཀའ་དྲིན་དུ་སྩལ་ཏོ། །སྨྲས་པ། ཚུལ་ཁྲིམས་ལ་གནས་བློ་གྲོས་ཅན་རྣམས་ཀྱིས། །བསླབ་བྱ་ཐམས་ཅད་མཁྱེན་པའི་རྒྱུར་འགྱུར་བ། །གཙུག་ལག་བཅུ་ཕྲག་རིག་པ་སྟོན་པའི་གཞུང༌། །མཐོང་ཐོས་ཙམ་གྱིས་བག་ཆག་འཇོག་ཚུལ་བྱས། །ཞེས་དམ་པའི་ཆོས་ཐོས་པའི་ཡི་གེ་དོན་གཉེར་གདེངས་ཅན་རོལ་པའི་ཆུ་གཏེར་ལས་ཐུན་མོང་བ་ཕྱི་རིག་པའི་གནས་ཀྱི་ཆོས་སྐོར་ཐོས་པའི་བརྒྱུད་རིམ་གྱི་སརྒ་སྟེ་གསུམ་པའོ། །༈། །སྤྱི་དོན་གཉིས་པ་ཐུན་མོང་མ་ཡིན་པ་ནང་རིག་པའི་གནས་ཀྱི་ཆོས་སྐོར་ཐོས་པའི་བརྒྱུད་རིམ་ལ་གཉིས། སྡོམ་པ་གསུམ་འཁོར་དང་བཅས་པའི་ཆོས་སྐོར་ཐོས་པའི་བརྒྱུད་རིམ་དང༌། དེ་ཐམས་ཅད་ཀྱི་རྒྱབ་བརྟེན་དུ་ལུང་གི་ཚོགས་ཐོས་པའི་བརྒྱུད་རིམ། དང་པོ་ལ། སོ་སོར་ཐར་པའི་སྡོམ་པའི་ཆོས་སྐོར་ཐོས་པ། བྱང་ཆུབ་སེམས་དཔའི་སྡོམ་པའི་ཆོས་སྐོར་ཐོས་པ། རིག་འཛིན་སྔགས་ཀྱི་སྡོམ་པའི་ཆོས་སྐོར་ཐོས་པའི་བརྒྱུད་རིམ་མོ། །དང་པོ་ནི་ལྷག་པར་ཚུལ་ཁྲིམས་ཀྱི་བསླབ་པ་སྟོན་པར་བྱེད་པ་འདུལ་བའི་སྡེ་སྣོད་ཀྱི་བརྗོད་པར་བྱ་བའི་གཙོ་བོ་སོ་སོར་ཐར་པ་སྟེ། དེའི་མདོ་