[A:175]མཛད་ཀུན་དགའ་དངོས་གྲུབ། རྗེ་ཕུན་ཚོགས་ལེགས་འབྱོར། བཀའ་འགྱུར་བ་ངག་དབང་རབ་བརྟན། རྡོ་རྗེ་འཆང་ཀུན་དགའ་ལྷུན་གྲུབ། རྗེ་སངས་རྒྱས་བཀྲ་ཤིས། མཚུངས་མེད་ཡར་ལུང་པ་ཆེན་པོ་ངག་དབང་ཀུན་དགའ་ལེགས་འབྱུང༌། བཤེས་གཉེན་དམ་པ་བསམ་གཏན་ཕུན་ཚོགས། མཁན་ཆེན་རིན་ཆེན་མི་འགྱུར་རྒྱལ་མཚན་དཔལ་བཟང་པོ་པ། དེས་བདག་བནྡེ་ཚུལ་ཁྲིམས་རིན་ཆེན་ལ་སྩལ་ཏོ། །༈། །ཡང་བཤེས་སྤྲིང་གི་བརྒྱུད་ལུགས་གཅིག་ལ། མགོན་པོ་བསོད་ནམས་མཆོག་ལྡན། ཟུར་ཆེན་ཆོས་དབྱིངས་རང་གྲོལ། ངག་དབང་བློ་བཟང་རྒྱ་མཚོ། མཁན་ཆེན་འཇམ་དབྱངས་བསྟན་འཛིན། རྗེ་ལེགས་འབྱོར་མན་འདྲའོ། །བྱང་ཆུབ་ལམ་སྒྲོན་ལ། མགོན་པོ་བསོད་ནམས་མཆོག་ལྡན་ནས། ཟུར་ཆེན། རྒྱལ་དབང་རྡོ་རྗེ་འཆང༌། ལེགས་འབྱོར་མན་འདྲའོ། །སྨྲས་པ། རྒྱལ་ཀུན་གདུང་འཚོབ་བྱེད་པ་སྡོམ་པའི་མཆོག ། རྒྱལ་སྲས་ཟུང་གི་སྲོལ་ལྟར་ལེགས་ཐོབ་ནས། །རྒྱལ་བའི་མྱུ་གུའི་ལྟ་སྒོམ་སྤྱོད་པའི་གཞུང༌། །རྒྱལ་སྲས་ལམ་བཟང་ཀླུ་དུས་ཟླ་བ་ཐོས། །ཞེས་དམ་པའི་ཆོས་ཐོས་པའི་ཡི་གེ་དོན་གཉེར་གདེངས་ཅན་རོལ་པའི་ཆུ་གཏེར་ལས། བྱང་ཆུབ་སེམས་དཔའི་སྡོམ་པའི་ཆོས་སྐོར་ཐོས་པའི་བརྒྱུད་རིམ་གྱི་སརྒ་སྟེ་ལྔ་པའོ། །། །བཀའ་བར་པ་ཤེས་རབ་ཀྱི་ཕ་རོལ་ཏུ་ཕྱིན་པའི་དགོངས་དོན་ལག་རྩེར་སོན་པ་བདུད་བཞིའི་ཅོ་འདྲི་སྐྱེ་མེད་ཀློང་དུ་བཅིལ་ཞིང་འགལ་རྐྱེན་བར་ཆད་ཐམས་ཅད་ལམ་དུ་འཁྱེར་བ་དང༌། ལྟས་ངན་གཡང་དུ་ལེན་པའི་གདམས་པ་ཟབ་མོ་བདུད་ཀྱི་གཅོད་ཡུལ་ཨ་མ་ལབ་ཀྱི་སྒྲོན་མའི་ཉམས་བཞེས་ཐོས་