[A:175]mdzad kun dga' dngos grub/ rje phun tshogs legs 'byor/ bka' 'gyur ba ngag dbang rab brtan/ rdo rje 'chang kun dga' lhun grub/ rje sangs rgyas bkra shis/ mtshungs med yar lung pa chen po ngag dbang kun dga' legs 'byung / bshes gnyen dam pa bsam gtan phun tshogs/ mkhan chen rin chen mi 'gyur rgyal mtshan dpal bzang po pa/ des bdag bande tshul khrims rin chen la stsal to/ /!/ /yang bshes spring gi brgyud lugs gcig la/ mgon po bsod nams mchog ldan/ zur chen chos dbyings rang grol/ ngag dbang blo bzang rgya mtsho/ mkhan chen 'jam dbyangs bstan 'dzin/ rje legs 'byor man 'dra'o/ /byang chub lam sgron la/ mgon po bsod nams mchog ldan nas/ zur chen/ rgyal dbang rdo rje 'chang / legs 'byor man 'dra'o/ /smras pa/ rgyal kun gdung 'tshob byed pa sdom pa'i mchog / rgyal sras zung gi srol ltar legs thob nas/ /rgyal ba'i myu gu'i lta sgom spyod pa'i gzhung / /rgyal sras lam bzang klu dus zla ba thos/ /zhes dam pa'i chos thos pa'i yi ge don gnyer gdengs can rol pa'i chu gter las/ byang chub sems dpa'i sdom pa'i chos skor thos pa'i brgyud rim gyi sarga ste lnga pa'o/ // /bka' bar pa shes rab kyi pha rol tu phyin pa'i dgongs don lag rtser son pa bdud bzhi'i co 'dri skye med klong du bcil zhing 'gal rkyen bar chad thams cad lam du 'khyer ba dang / ltas ngan g.yang du len pa'i gdams pa zab mo bdud kyi gcod yul a ma lab kyi sgron ma'i nyams bzhes thos