[A:223]གིས་མཛད་པའི་ཐོ་ཡིག་འཆི་མེད་བདུད་རྩིའི་ཆར་འབེབས་ཀྱི་སྟེང་ནས་མཛད་ཅིང༌། བཟླས་ལུང་གི་སྐབས་སུ་གཟུངས་རིང་གི་བཟླས་ལུང་བཅས་པ་ཐོས་སོ། །༈། །ངོར་ཆེན་དཀོན་མཆོག་ལྷུན་གྲུབ་པས་མཛད་པའི་སྒྲུབ་ཐབས་རྗེས་གནང་གི་ཡི་གེའི་སྟེང་ནས་གྲུབ་ཆེན་མི་ཏྲ་ཛོ་ཀི་ནས་བརྒྱུད་པའི་ཚེ་དཔག་ཏུ་མེད་པ་དཀར་པོའི་རྗེས་གནང་ཐོབ་པའི་བརྒྱུད་པ་ནི། སྟོན་པ་སངས་རྒྱས། ལོ་ཀེ་ཤྭ་ར། གྲུབ་ཆེན་མི་ཏྲ་ཛོ་ཀིཔཎ་ཆེན་བུདྡྷ་ཤྲཱི། ཆག་ལོ་དགྲ་བཅོམ། གྲུམ་སྟོན་དར་མ་ཤེས་རབ། སྐྲག་ཕུག་པ་ཤེས་རབ་དཔལ། གྲུབ་ཐོབ་ལེགས་ལྡན་འོད། ཆོས་རྗེ་དཔལ་ཆེན་བཟང་པོ། ཡེ་ཤེས་དཔལ་བཟང་པོ། རྒྱལ་སྲས་བློ་བཟང་དཔལ་འབྱོར། ཆག་ལོ་རིན་ཆེན་ཆོས་རྒྱལ། འཇམ་དབྱངས་ས་ལོ། རྗེ་དཀོན་མཆོག་ལྷུན་གྲུབ། རྗེ་ནམ་མཁའ་དཔལ་བཟང༌། རྗེ་བཙུན་ནམ་མཁའ་སངས་རྒྱས། འཇམ་དབྱངས་ནམ་མཁའ་དཔལ་བཟང༌། མཁས་གྲུབ་སངས་རྒྱས་ཕུན་ཚོགས། རྗེ་ཚུལ་ཁྲིམས་ལྷུན་གྲུབ། དེས་བདག་ལའོ། །ཡང་ན་དཀོན་མཆོག་ལྷུན་གྲུབ། རྗེ་སངས་རྒྱས་སེང་གེ པཎ་ཆེན་མན་འདྲ། །༈། །དཔལ་ས་སྐྱ་པ་སྔགས་འཆང་ངག་གི་དབང་པོ་ཀུན་དགའ་རིན་ཆེན་གྱིས་གྲུབ་རྒྱལ་གླིང་པ་ས་རྒྱལ་གྱི་ཐུགས་དམ་དུ་གནང་བའི་ཚེ་སྒྲུབ་ཟབ་མོ་སྔ་དྲོ་མལ་ནས་ལངས་མ་ཐག་པར། སྐྱབས་འགྲོ་སེམས་བསྐྱེད་མདོར་བསྡུས་སྔོན་དུ་བཏང་ནས། རང་གི་སྙིང་སྒོ་ང་སྟོང་པ་ལྟ་བུའི་ནང་དུ་པདྨ་འདབ་མ་བརྒྱད་པའི་ལྟེ་བ་དང་འདབ་མ་རྣམས་ལ་ཟླ་བའི་དཀྱིལ་འཁོར་རེ་རེའི་སྟེང་དུ་དབུས་སུ་སངས་རྒྱས་ཚེ་དཔག་མེད་ནས། ནུབ་