[A:289]ཐོབ་པའི་བརྒྱུད་པ་ནི། ཡང་དག་པར་རྫོགས་པའི་སངས་རྒྱས། གསང་བའི་བདག་པོ་ཕྱག་ན་རྡོ་རྗེ། ཌཱ་ཀི་མ་སེང་གེའི་གདོང་པ་ཅན། གྲུ་སྤང་རྩེ་བ་རྡོ་རྗེ་སེང་གེ ཆོས་རྗེ་བྲག་ནག་པ། བྱང་སེམས་ཆེན་པོ། བླ་མ་དངོས་གྲུབ་རྒྱལ་མཚན། སློབ་དཔོན་བསོད་ནམས་དར། བེ་ཕུག་པ་བདེ་ལེགས་རྒྱལ་མཚན། སྔགས་འཆང་ཆོས་རྒྱལ་བསོད་ནམས། དེ་སྲས་ཆོས་སྐྱོང་བསོད་ནམས་བཀྲ་ཤིས། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག རྡོ་རྗེ་འཆང་དབང་ཕྱུག་རབ་བརྟན། བླ་མ་གཉིས་ཙམ་བཙལ། དེ་ནས་མཁན་ཆེན་སངས་རྒྱས་ཕུན་ཚོགས། དེ་ལས་མུས་པའི་དགེ་བཤེས་ཚུལ་ཁྲིམས་ཀྱིས་གསན་ནམ་སྙམ། དེ་ནས་དྲིན་ཆེན་རྡོ་རྗེ་འཆང་ཚུལ་ཁྲིམས་ལྷུན་གྲུབ། དེས་བདག་ཚུལ་ཁྲིམས་རིན་ཆེན་ལ་ལན་མང་དུ་སྩལ་ཏོ། །ཡང་ན་མཁྱེན་བརྩེའི་ཞབས་ནས། འཕགས་མཆོག་བྱམས་པ་སྐལ་ལྡན་བཟང་པོ། རྡོ་རྗེ་འཆང་དབང་ཕྱུག་རབ་བརྟན་མན་འདྲའོ། །བྱ་རྒྱུད་རྡོ་རྗེའི་རིགས་སུ་མཐུན་བསྡེབས་པའི། །དེ་བཞིན་གཤེགས་དང་རིགས་ཀྱི་བདག་པོ་ཡུམ། །ཁྲོ་བོ་ཕོ་ཉ་དགའ་མའི་ཟློས་གར་གྱིས། །དངོས་གྲུབ་ལ་གོར་སྩོལ་བ་བཅུ་གསུམ་མོ། །ཞེས་དམ་པའི་ཆོས་ཐོས་པའི་ཡི་གེ་དོན་གཉེར་གདེངས་ཅན་རོལ་པའི་ཆུ་གཏེར་ལས། རྡོ་རྗེའི་རིགས་ཀྱི་ཆོས་སྐོར་ཐོས་པའི་བརྒྱུད་རིམ་གྱི་སརྒ་སྟེ་དགུ་པའོ། །། །བཞི་པ་ནོར་ཅན་གྱི་རིགས་ལ་འཕགས་པ་ནོར་བུ་བཟང་པོ་ལ་སོགས་པ་གནོད་སྦྱིན་གྱི་ཚོགས་རྣམས་ཏེ། འདིར་ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱིས་མཛད་པའི་མངོན་རྟོགས་རྗེས་གནང་བྱེད་ཚུལ་གྱི་ཡི་གེ་ལ་བརྟེན་ནས་འཕགས་