[A:289]thob pa'i brgyud pa ni/ yang dag par rdzogs pa'i sangs rgyas/ gsang ba'i bdag po phyag na rdo rje/ DA ki ma seng ge'i gdong pa can/ gru spang rtse ba rdo rje seng ge chos rje brag nag pa/ byang sems chen po/ bla ma dngos grub rgyal mtshan/ slob dpon bsod nams dar/ be phug pa bde legs rgyal mtshan/ sngags 'chang chos rgyal bsod nams/ de sras chos skyong bsod nams bkra shis/ thams cad mkhyen pa mkhyen brtse'i dbang phyug rdo rje 'chang dbang phyug rab brtan/ bla ma gnyis tsam btsal/ de nas mkhan chen sangs rgyas phun tshogs/ de las mus pa'i dge bshes tshul khrims kyis gsan nam snyam/ de nas drin chen rdo rje 'chang tshul khrims lhun grub/ des bdag tshul khrims rin chen la lan mang du stsal to/ /yang na mkhyen brtse'i zhabs nas/ 'phags mchog byams pa skal ldan bzang po/ rdo rje 'chang dbang phyug rab brtan man 'dra'o/ /bya rgyud rdo rje'i rigs su mthun bsdebs pa'i/ /de bzhin gshegs dang rigs kyi bdag po yum/ /khro bo pho nya dga' ma'i zlos gar gyis/ /dngos grub la gor stsol ba bcu gsum mo/ /zhes dam pa'i chos thos pa'i yi ge don gnyer gdengs can rol pa'i chu gter las/ rdo rje'i rigs kyi chos skor thos pa'i brgyud rim gyi sarga ste dgu pa'o/ // /bzhi pa nor can gyi rigs la 'phags pa nor bu bzang po la sogs pa gnod sbyin gyi tshogs rnams te/ 'dir thams cad mkhyen pa dkon mchog lhun grub kyis mdzad pa'i mngon rtogs rjes gnang byed tshul gyi yi ge la brten nas 'phags