[A:295]ཆེན་ཆོས་ཀྱི་རྒྱལ་པོས་བྱང་ཆུབ་སེམས་དཔའ་རྟག་ཏུ་ངུའི་རྣམ་པར་ཐར་པ་བཞིན་རྣམ་ཐོས་སྲས་བཀའ་མི་འདྲ་བ་བཅོ་ལྔ་ཙམ་གྱི་ཆོས་སྐོར་གསན་ཞིང༌། ཕྱོགས་གཅིག་ཏུ་བསྒྲིགས་པའི་རྒྱུན་མ་ཉམས་པ་རྣམས་ལེགས་པར་ཐོབ་པ་ལ། འདི་ཉིད་ཀྱི་གོང་གནོན་དུ་ཕྱག་ན་རྡོ་རྗེ་གོས་སྔོན་ཅན་གྱི་རྗེས་གནང་མཛད་པའི་སྲོལ་ལྟར་མནོས་པ་ནི་གོང་དུ་སྨོས་ཟིན་ཅིང༌། སློབ་དཔོན་འགྲོ་བཟང་སྙིང་པོས་རྒྱུད་དང་མན་ངག་ལ་བརྟེན་ནས་རྒྱལ་པོ་ངལ་བསོས་པོ་ཞི་བ་ནོར་དུ་བསྒྲུབ་པ་དང་དྲག་བྱེད་མཐུ་རུ་བསྒྲུབ་པའི་ཆོ་ག་སོགས་མཛད་པ་ལས་ཐོག་མར་ཞི་བ་བདེ་བྱེད་སེར་པོ་ལྷ་དགུ་ཟངས་དཀར་བ་ནས་བརྒྱུད་པ་སྟོད་ལུགས་སྨད་ལུགས་ཀྱི་བརྒྱུད་པ་ཆུ་བོ་གཉིས་འདྲེས་ལས། ཕྱག་ལེན་གྱི་རིམ་པ་སྨད་ལུགས་ཆོས་རྗེ་ཐམས་ཅད་མཁྱེན་པ་བུ་སྟོན་རིན་པོ་ཆེའི་བཞེད་སྲོལ་གཙོ་ཆེ་བར་མཛད་ལ། དེར་མ་ཟད་རྗེས་གནང་ལྔ་ཕྲག་གསུམ་གྱི་ཆོ་ག་སོ་སོའི་ལུགས་སྲོལ་ཉམས་པ་མེད་པ་རྡོ་རྗེ་འཆང་དབང་ཕྱུག་རབ་བརྟན་གྱི་ཕྱག་ལེན་བཞིན། མཁན་ཆེན་ངག་དབང་ཆོས་གྲགས་ཀྱིས་ཆོག་ཁྲིགས་སུ་མཛད་པའི་ནོར་འཛིན་དཔལ་མོའི་རྒྱན་ཕྲེང་གི་སྟེང་ནས་ལེགས་པར་ཐོས་པ་ཡིན་ཞིང༌། བསྒྲིག་རིམ་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གི་གསན་ཡིག་གི་གོ་རིམ་ལྟར་བཀོད་པ་ལ། རྣམ་སྲས་ཀུན་གྱི་རྩ་བར་གྱུར་པ་ཞི་བ་བདེ་བྱེད་སེར་པོ་ལྷ་དགུའི་རྗེས་སུ་གནང་བ། ༡འདི་དང་འབྲེལ་བར་ཤིན་ཏུ་གཉན་པ་སློབ་མ་དམ་ལྡན་བསྙེན་སོང་རེ་རེ་ཙམ་ལས་མང་པོར་མི་གནང་བའི་དྲག་པོའི་རྗེས་གནང་ཤིན་ཏུ་གཉན་ཅིང་བཀའ་རྒྱ་དམ་པ། ཟངས་དཀར་བའི་གོང་ཁུག་སྲོ་མ་ཅན་ལས་བྱུང་བའི་