[A:296]གསང་སྒྲུབ་ལྗང་སེར་བེ་ཅོན་ཅན། ཡུམ་པདྨ་གཙུག་ཕུད་མ་སྟེ། ཡབ་ཡུམ་གཉིས་ཀྱི་རྗེས་གནང་སྟོད་ལུགས་ལས་འོངས་པ། ༢སློབ་དཔོན་ཀླུ་སྒྲུབ་ཀྱིས་སྤྲང་པོ་ཉི་མའི་དངོས་གྲུབ་བསྒྲལ་བའི་དྲག་བྱེད་རྟ་སྔོན་བདུད་མོ་བཞིས་བསྐོར་ལྷ་ལྔའི་རྗེས་གནང༌།
་་་་་རྣམ་སྲས་དམར་པོའི་སྐོར་དང་རྙིང་མ་བཀའ་གཏེར་ནས་བཤད་པ་རྣམས་བླ་མེད་དུ་གཏོགས་ཀྱང་འདིར་སྡེ་ཚན་གྱི་དབང་གིས་ཕྱོགས་གཅིག་ཏུ་བཀོད་དོ། །
༣དེ་ཉིད་ལ་ཅུང་ཟད་ཁ་བསྒྱུར་ཅིང་རྒྱལ་ཆེན་བཞི་བསྣན་པའི་ནང་མ་མོ་ལྟར་བསྒྲུབ་པ་ལྷ་དགུའི་རྗེས་གནང༌། ༤གནུབས་ཀྱིས་བསྒྱུར་བའི་བཻ་ཤྲ་ཝ་ཎ་ཁ་རག་ཁྲམ་ཐོགས་ནག་པོའི་རྒྱུད་ལས་གསུངས་པའི་དྲག་པོ་མཐུ་རུ་བསྒྲུབ་པའི་ནང་ནས་དྲག་བྱེད་སེང་ཞོན་ཀླུ་བརྒྱད་ཀྱིས་བསྐོར་བའི་རྗེས་གནང༌། ༥དེ་ཉིད་ལ་ཅུང་ཟད་ཁ་བསྒྱུར་བ་བཞོན་པ་མེད་པའི་དྲག་བྱེད་རྐང་ཐང་ལྷ་བརྒྱད་ཀྱི་རྗེས་གནང༌།་་་་་འཇམ་དབྱངས་མཁྱེན་བརྩེའི་གསན་ཡིག་ན་མི་གསལ་ཡང༌། ཆོག་སྒྲིགས་གཉིས་ཀ་ན་འདུག་ཅིང་ཕྱག་ལེན་ལའང་མཛད།
༦གསང་བ་གཤིན་རྗེ་ལྟར་བསྒྲུབ་པ་མདུང་དམར་ཅན་ལྷ་བཅུ་གསུམ་གྱི་རྗེས་གནང༌།་་་་་ཁ་རག་ཁྲམ་ཐོགས་ཀྱི་རྒྱུད་ན་མུ་སྟེགས་ཉི་མ་སྒྲུབ་པ་དང་བྷ་རི་ཧའི་གྲོང་ཁྱེར་གཞོམ་པའི་ཆེད་དུ་སློབ་དཔོན་ནཱ་གཱརྫུ་ནའི་ཐུགས་ནས་རྒྱུད་བཏོན་པར་བཤད་པས་སྤྲང་པོ་ཉི་མའི་དངོས་གྲུབ་བསྒྲལ་བའི་ཆོས་སྐྱོང་ཡང་འདི་ཡིན་ནམ་སྙམ།
༧བྲམ་ཟེ་སུ་པ་ཏོས་ཞག་གསུམ་ལ་མུ་སྟེགས་པ་བཅོ་ལྔ་བསྒྲལ་བའི་ཡང་གསང་དྲག་པོ་སྲིན་པོ་བཞིས་བསྐོར་གཙོ་འཁོར་ལྔའི་རྗེས་གནང༌། ༨ཤུ་རཾ་ག་ཝརྨའི་ལུགས་ཀྱི་རྣམ་སྲས་མཐིང་ཁ་ཞལ་གསུམ་ཕྱག་དྲུག་པ་ཡུམ་གྱིས་འཁྲིལ་བ་གཙོ་འཁོར་བཅོ་ལྔ་པའི་རྗེས་གནང༌། ༩རྣམ་སྲས་དམར་སེར་ལས་མཁན་མདུང་དམར་ཅན་དང་བཅས་པའི་གཙོ་འཁོར་གཉིས་ཀྱི་རྗེས་