[A:314]སྤུན་མནན་པ།
་་་་་མཁྱེན་བརྩེའི་གསན་ཡིག་ན་འདིའི་རྗེས་སུ་འཁོར་ལོ་སོགས་ཀྱི་ཞལ་གདམས། ཨ་པ་ར་གསུམ་གྱི་དབྱེ་བ། སྒྲུབ་ཐབས་མཚལ་མིན་ངག་དབང་དགྱེས་པའི་རྡོ་རྗེས་མཛད་པ་གསུམ་འདུག་པ་དཔེ་མ་འབྱོར་པས་ལུང་མ་ཐོབ།
ཆོ་ག་ཕྱག་ལེན་གྱི་སྐོར་ལ། འགོར་བཅོམ་ལྡན་འདས་དཔལ་ཕྱག་ན་རྡོ་རྗེ་ཞེས་ཡོད་པའི་ཞི་དྲག་སྤེལ་བའི་སྒྲུབ་ཐབས་མཁས་པ་ཙནྡྲ་ཤྲཱིས་མཛད་པ་མཇུག་ཏུ་ཐུགས་སྲས་ལོ་ཙཱ་བའི་ཀ་བསྟོད་ལེ་ཚན་གཉིས་བཏགས་པ།་་་་་འདི་རྗེ་མཁྱེན་བརྩེའི་གསན་ཡིག་ན་གཤམ་གྱི་བསྟོད་པའི་མཛད་བྱང་ལ་བརྟེན་ནས་ཐུགས་སྲས་ལོ་ཙཱ་བས་མཛད་གསུང་བ་འདུག་ཀྱང་འདི་ཙནྡྲ་ཤྲཱིས་མཛད་ངེས་ཡིན་པ་ཁྱབ་བདག་ཞྭ་ལུ་པ་གསུང༌།
རྣམ་སྲས་ཞི་དྲག་སྦྲེལ་བའི་ཆོ་ཀ་བཀླག་ཆོག་༼དབང་༽མཁྱེན་རབ་རྗེའི་ཕྱག་ལེན་ལྟར་ཆོས་རྗེ་བཅོ་བརྒྱད་པ་འཇམ་དབྱངས་ཀྱིས་མཛད་པ། རྣམ་སྲས་རིགས་མི་གཅིག་པ་ལྔའི་སྒྲུབ་ཐབས་༼དབང་༽གསལ་བར་བསྟན་པའི་དགོས་པ་ཀུན་ཚང་གཉགས་དབོན་རིན་པོ་ཆེས་མཛད་པ། དེས་མཛད་པའི་རྣམ་སྲས་ཞི་དྲག་རྣམས་མཆོད་༼དབང་༽པའི་ཆོ་ག་རིན་པོ་ཆེའི་གཏེར་ཞེས་བྱ་བ། རྣམ་སྲས་ཞི་དྲག་རྣམས་ཀྱི་མཆོད་ཆོག་རྗེས་གནང་དང་བཅས་པ་སྐྱོར་མོ་ལུང་པ་མཁན་ཆེན་ཆོས་རྒྱལ་དཔལ་བཟང་གི་མཆོད་གཡོག་ནམ་མཁའ་སེང་གེ ས་མཛད་པ་་་་་་འཇམ་དབྱངས་མཁྱེན་བརྩེའི་གསན་ཡིག་ན་ནམ་མཁའ་གྲགས་ཞེས་སྣང་བ་ཡིག་སྐྱོན་ཤོར་རམ་སྙམ།
རྣམ་སྲས་སེར་ཆེན་གྱི་གཏོར་ཆོག་མཆོད་ཕྲེང་བསྟོད་པ་དང་བཅས་པ་སྟག་ཚང་ལོ་ཆེན་ཤེས་རབ་རིན་ཆེན་གྱིས་མཛད་པ། འགོར་དངོས་གྲུབ་ཆེན་པོ་སྒྲུབ་པའི་དུས་ཞེས་ཡོད་པའི་རྒྱལ་པོ་ཆེན་པོ་རྣམ་ཐོས་སྲས་ཀྱི་གསང་མདོས་ཁ་ཆེ་དགོན་པ་བས་མཛད་པ། རྣམ་ཐོས་སྲས་ཀྱི་གསང་མདོས་རྒྱས་པ་ཁ་ཆེའི་རིགས་ཀྱི་མཁན་པོ་གཟི་བརྗིད་ལྷ་དང་པཎྜི་ཏ་