[A:314]spun mnan pa/
mkhyen brtse'i gsan yig na 'di'i rjes su 'khor lo sogs kyi zhal gdams/ a pa ra gsum gyi dbye ba/ sgrub thabs mtshal min ngag dbang dgyes pa'i rdo rjes mdzad pa gsum 'dug pa dpe ma 'byor pas lung ma thob/
cho ga phyag len gyi skor la/ 'gor bcom ldan 'das dpal phyag na rdo rje zhes yod pa'i zhi drag spel ba'i sgrub thabs mkhas pa tsandra shrIs mdzad pa mjug tu thugs sras lo tsA ba'i ka bstod le tshan gnyis btags pa/ 'di rje mkhyen brtse'i gsan yig na gsham gyi bstod pa'i mdzad byang la brten nas thugs sras lo tsA bas mdzad gsung ba 'dug kyang 'di tsandra shrIs mdzad nges yin pa khyab bdag zhwa lu pa gsung /
rnam sras zhi drag sbrel ba'i cho ka bklag chog (dbang )mkhyen rab rje'i phyag len ltar chos rje bco brgyad pa 'jam dbyangs kyis mdzad pa/ rnam sras rigs mi gcig pa lnga'i sgrub thabs (dbang )gsal bar bstan pa'i dgos pa kun tshang gnyags dbon rin po ches mdzad pa/ des mdzad pa'i rnam sras zhi drag rnams mchod (dbang )pa'i cho ga rin po che'i gter zhes bya ba/ rnam sras zhi drag rnams kyi mchod chog rjes gnang dang bcas pa skyor mo lung pa mkhan chen chos rgyal dpal bzang gi mchod g.yog nam mkha' seng ge sa mdzad pa 'jam dbyangs mkhyen brtse'i gsan yig na nam mkha' grags zhes snang ba yig skyon shor ram snyam/
rnam sras ser chen gyi gtor chog mchod phreng bstod pa dang bcas pa stag tshang lo chen shes rab rin chen gyis mdzad pa/ 'gor dngos grub chen po sgrub pa'i dus zhes yod pa'i rgyal po chen po rnam thos sras kyi gsang mdos kha che dgon pa bas mdzad pa/ rnam thos sras kyi gsang mdos rgyas pa kha che'i rigs kyi mkhan po gzi brjid lha dang paNDi ta