[A:431]གྱི་མཚན་བཙལ་ཏེ་བྲི་དགོས། དེ་ནས་མཁན་ཆེན་རྡོ་རྗེ་འཆང་དཔལ་ལྡན་ཆོས་སྐྱོང༌། དེས་བདག་བནྡེ་ཚུལ་ཁྲིམས་རིན་ཆེན་ལ་སྒྲུབ་སྐོར་གྱི་ལུང་དང་རྗེས་སུ་གནང་བ་ཆུ་སྦྱིན་བཅས་ལེགས་པར་སྩལ་ཏོ། །ཡང་ན་གཏེར་སྟོན་ནས། ལྕེ་སྟོན་གསལ་བའི་ཤེས་རབ། ཚེ་དོན་གསལ། འུ་ཡུག་དམ་པ་ཤག་པོ། དམ་པ་ཤེར་རྡོར། བླ་མ་བསོད་ནམས་རིན་ཆེན། གཞོན་ནུ་སེང་གེ་མན་གོང་ལྟར་རོ། །ཡང་ན་གཏེར་སྟོན་ནས། གཞུང་པ་རྒྱན་ལེགས། རོང་པ་ཆོས་མགོན། བླ་མ་དབང་ཕྱུག་གྲགས། གྲྭ་དུར་པ། མཁན་པོ་ཀུན་དགའ་རིན་ཆེན། རྗེ་རིན་ཆེན་མཆོག དབུ་མ་པ་གྲུབ་བརྩོན་མན་གོང་བཞིན་ནོ། །ལུང་གི་བརྒྱུད་པ་དང་རྗེས་གནང་གི་བརྒྱུད་པའི་སྨད་གཅིག་གམ་མ་ཡིན་ཅུང་ཟད་བལྟའོ། །༈། །སློབ་དཔོན་རིན་པོ་ཆེས་མཛད་པའི་སྒྲུབ་ཐབས་ཡིག་རྙིང་དང༌། རྗེས་གནང་གི་ཐོ་ཆུང་ངག་དབང་བརྟན་པས་མཛད་པའི་སྟེང་ནས། སློབ་དཔོན་པདྨ་ནས་བརྒྱུད་པའི་ཁྱུང་དམར་གྱི་རྗེས་གནང་ཐོབ་པའི་བརྒྱུད་པ་ནི། སློབ་དཔོན་རིན་པོ་ཆེ་པདྨ་འབྱུང་གནས་ནས་རིམ་པར། འཇམ་དབྱངས་དཀོན་མཆོག་རྒྱ་མཚོ། བྱམས་པ་རིན་ཆེན་རྣམ་རྒྱལ། ངག་དབང་བརྟན་པའི་རྡོ་རྗེ་སོགས་ནས་རིམ་བཞིན་མཁན་ཆེན་བསོད་ནམས་དཔལ་ལྡན། ཐམས་ཅད་མཁྱེན་པ་ཚུལ་ཁྲིམས་ལྷུན་གྲུབ། དེས་བདག་བནྡེ་ཚུལ་ཁྲིམས་རིན་ཆེན་ལའོ། །ཡང་རྡོ་རྗེ་འཆང་ཤུག་ར་ཀུན་དགའ་དཔལ་འབྱོར་གྱི་དྲུང་ནས་ཀྱང་ཐོབ་སྟེ་གསན་ཡུལ་གྱི་བླ་མ་གང་ཡིན་མ་འཚལ་ཏོ། །ཡང་ན་འཇམ་དབྱངས་དཀོན་མཆོག་རྒྱ་མཚོ། ཆོས་རྗེ་བསོད་ནམས་ལྷུན་