[A:432]གྲུབ། མཁས་གྲུབ་ངག་དབང་ཆོས་གྲགས། ངག་དབང་བསོད་ནམས་རྒྱལ་མཚན། སོགས་ནས་བརྒྱུད་པའང་ཡོད་པའི་སྦྲེལ་མཚམས་བཙལ་བར་བྱའོ། །༈། །དགེ་བའི་བཤེས་གཉེན་ཉང་སྟོན་སྒྲུབ་པོས་ལྷོ་བྲག་མཁར་ཆུའི་གཏེར་ནས་སྤྱན་དྲངས་པའི་འཕགས་པ་ཐུགས་རྗེ་ཆེན་པོའི་སྒོ་ནས་མིག་གསལ་བྱེད་ཀྱི་གདམས་པའི་ལུང་ཐོབ་པ་ལ། ལོ་རྒྱུས་དང་གདམས་པ་ཉང་སྟོན་རང་གིས་ཡི་གེ ར་བཀོད་པ། སྔགས་འཆང་བཀྲ་ཤིས་སྟོབས་རྒྱལ་དབང་པོའི་སྡེས་མཛད་པའི་དེའི་གསལ་བྱེད་ཀྱི་ཡི་གེ འགོར་ཐུགས་རྗེ་ཆེན་པོས་རྟག་པར་འགྲོ་ཀུན་ལ། ཞེས་ཡོད་པའི་དང་པོར་ལོ་རྒྱུས། གཉིས་པ་དངོས་གཞི་ཉམས་ལེན། གསུམ་པ་ཕན་ཡོན་ཏེ་སྐབས་གསུམ་གསལ་བར་བྱེད་པ་ཚིགས་བཅད་མ། དེས་མཛད་པའི་བརྒྱུད་པའི་གསོལ་འདེབས། ཡང་དེའི་ལོ་རྒྱུས་དང་ཉམས་ལེན་ཚིག་ལྷུག་པ་དང་བཅས་པ་རྣམས་ཀྱི་ལུང་ཐོབ་པའི་བརྒྱུད་པ་ནི། སྣང་བ་མཐའ་ཡས། ཐུགས་རྗེ་ཆེན་པོ། པདྨ་འབྱུང་གནས། ཉང་སྟོན་སྒྲུབ་པ་པོ། འགྲོ་མགོན་ཤཱཀྱ་བཟང་པོ། རིག་འཛིན་ཆོས་རྒྱལ་དབང་པོའི་སྡེ། རིག་འཛིན་ངག་གི་དབང་པོ། རྗེ་བཀྲ་ཤིས་རྣམ་རྒྱལ། གླིང་སྟོད་ཞབས་དྲུང་དཀོན་མཆོག་དཔལ་འབྱོར། སྤྲུལ་སྐུ་རིན་པོ་ཆེ་པདྨ་ཕྲིན་ལས། རྗེ་བློ་བཟང་དོན་གྲུབ། གནས་གསར་པ་ངག་དབང་ཀུན་དགའ་ལེགས་པའི་འབྱུང་གནས། རྡོ་རྗེ་འཛིན་དབང་ཀུན་དགའ་རྒྱལ་མཚན། དེས་བདག་བནྡེ་ཚུལ་ཁྲིམས་རིན་ཆེན་ལའོ། །ཡང་ན་ངག་དབང་ཀུན་དགའ་ལེགས་འབྱུང་ནས། མཁས་བཙུན་བསྟན་འཛིན་ཕུན་ཚོགས། ཆོས་ཀྱི་རྗེ་དམ་པ་ཏིང་འཛིན་རྡོ་རྗེ། དེས་བདག་