[A:632]ཆེན་རྡོ་རྗེ་འཆང་དང་ངག་དབང་ཆོས་གྲགས་པའི་ཡི་གེའི་སྟེང་ནས་རྣལ་འབྱོར་དབང་ཕྱུག་གི་སྲུང་བ་ནང་མའི་བྱིན་རླབས། དེ་དང་འབྲེལ་བའི་བིར་སྲུང་གི་བསྲུང་བའི་དམིགས་རིམ་དང་ཡིག་རྙིང༌། སྔོན་ཆད་ཞལ་ཤེས་ཁོ་ནར་བཞུགས་པའི་བིར་སྲུང་གི་ཆ་ལག་ཟབ་མོའི་དམིགས་ཁྲིད། རྗེ་ངོར་ཆེན་གྱི་ཡི་གེའི་སྟེང་ནས་བླ་མ་དོན་གྲུབ་ཀྱི་བླ་མའི་རྣལ་འབྱོར་བྱེ་བྲག་པ་ཚར་གསུམ་ཁུག་པའི་བྱིན་རླབས། རྗེ་བཙུན་རྡོ་རྗེ་བདག་མེད་མ་ལྷ་མོ་བཅོ་ལྔའི་སིནྡྷཱུ་རའི་དཀྱིལ་འཁོར་དུ་བྱིན་གྱིས་བརླབས་པ། པཎ་ཆེན་ངག་དབང་ཆོས་གྲགས་ཀྱི་ཡི་གེ་ལྟར་བརྡ་དོན་གསལ་བའི་བྱིན་རླབས། ཀུན་མཁྱེན་བསོད་ནམས་སེང་གེ ས་མཛད་པའི་ཡི་གེ་ལྟར་རྣམ་འཇོམས་བིར་ལུགས་ཀྱི་བྱིན་རླབས། མན་ངག་རྣམས་ཡོངས་སུ་རྫོགས་པའི་མཐར་བརྡ་ཆིག་བརྒྱུད་ཀྱི་བྱིན་རླབས། གསུང་ངག་སྟན་ཐོག་གཅིག་ཏུ་ཉམས་སུ་བླང་བའི་ཚུལ་སྟོན་པ་ལམ་བསྡུས་ཏེ་སྒྲུབ་པའི་ལུང་སྦྱིན་པ། ལམ་ཡོངས་སུ་རྫོགས་པའི་མཐར་གསང་བ་བཅུས་རྒྱས་གདབ་པའི་བྱིན་རླབས། ཀུན་མཁྱེན་གོ་རམས་པ་དང་ངག་དབང་ཆོས་གྲགས་པའི་ཡི་གེ་ལྟར་བསྟན་པ་གཏད་ཅིང་བཀའ་བསྒོ་བའི་ཚུལ་དུ་ལམ་འབྲས་པའི་མགོན་རྐྱང་གི་རྗེས་གནང་དང་བཞི། ཆོས་གྲགས་ཀྱིས་མཛད་པའི་ཡི་གེ་ལ་བརྟེན་པ་དང་བཅས་པ་རྣམས་ལེགས་པར་ཐོས་སོ། །གཉིས་པ་དེ་རྣམས་ཀྱི་རྒྱབ་བརྟེན་དུ་བསྟན་བཅོས་ཚད་མ་དང་འབྲེལ་བའི་ལུང་ཐོབ་པའི་རྣམ་གྲངས་ལ། ཐོག་མར་གསུང་ངག་གླེགས་བམ་པོད་སེར་མ་ཞེས་པ་སྟེ། དེའི་རྒྱུ་མཚན་ན་བཟའ་སེར་པོས་དྲིལ་བས་དེ་ལྟར་དུ་གྲགས་སོ་ཞེས་གསུངས་ཏེ། དེར་བཞུགས་པའི་ཆོས་ཚན་གྱི་རྣམ་གྲངས་