[A:632]chen rdo rje 'chang dang ngag dbang chos grags pa'i yi ge'i steng nas rnal 'byor dbang phyug gi srung ba nang ma'i byin rlabs/ de dang 'brel ba'i bir srung gi bsrung ba'i dmigs rim dang yig rnying / sngon chad zhal shes kho nar bzhugs pa'i bir srung gi cha lag zab mo'i dmigs khrid/ rje ngor chen gyi yi ge'i steng nas bla ma don grub kyi bla ma'i rnal 'byor bye brag pa tshar gsum khug pa'i byin rlabs/ rje btsun rdo rje bdag med ma lha mo bco lnga'i sindhU ra'i dkyil 'khor du byin gyis brlabs pa/ paN chen ngag dbang chos grags kyi yi ge ltar brda don gsal ba'i byin rlabs/ kun mkhyen bsod nams seng ge sa mdzad pa'i yi ge ltar rnam 'joms bir lugs kyi byin rlabs/ man ngag rnams yongs su rdzogs pa'i mthar brda chig brgyud kyi byin rlabs/ gsung ngag stan thog gcig tu nyams su blang ba'i tshul ston pa lam bsdus te sgrub pa'i lung sbyin pa/ lam yongs su rdzogs pa'i mthar gsang ba bcus rgyas gdab pa'i byin rlabs/ kun mkhyen go rams pa dang ngag dbang chos grags pa'i yi ge ltar bstan pa gtad cing bka' bsgo ba'i tshul du lam 'bras pa'i mgon rkyang gi rjes gnang dang bzhi/ chos grags kyis mdzad pa'i yi ge la brten pa dang bcas pa rnams legs par thos so/ /gnyis pa de rnams kyi rgyab brten du bstan bcos tshad ma dang 'brel ba'i lung thob pa'i rnam grangs la/ thog mar gsung ngag glegs bam pod ser ma zhes pa ste/ de'i rgyu mtshan na bza' ser pos dril bas de ltar du grags so zhes gsungs te/ der bzhugs pa'i chos tshan gyi rnam grangs