[A:639]ཡན་ལ་རྟོགས་པ་བསལ་བའི་སྐོར་མ་གཏོགས་དངོས་བསྟན་གྱི་ཡི་གེ་རྣམས་ཀྱི་སྟེང་དུ་དབང་ཆུ། སྒྲུབ་ཐབས་ཡན་ལག་བཞི་དྲུག བདག་མེད་མའི་སྒྲུབ་ཐབས། སྦྱིན་སྲེག་རྣམས་བསྣན་པའི་ཆོས་སྣ་སུམ་ཅུ་པོ་རྣམས་ཉམས་མྱོང་ཚད་མ་ཡིན་ནོ། །
ཚད་མ་བཞི་པ་བཀའ་ཡང་དག་པའི་ལུང་ཚད་མ་དང་སྦྱོར་བར་ལུང་ཚད་མ་གསུང་ངག་རིན་པོ་ཆེ་འདི་ཉིད་དང་མདོར་བསྡུས་ཏེ་སྦྱར་བ་ལམ་ཕྱི་མ་གཉིས་ཀྱང་དེ་བཞིན་དུ་ཤེས་པར་བྱའོའི་མཐའ་ཅན། གསུང་ངག་རིན་པོ་ཆེ་ལུང་མཐའ་དག་དང་མདོར་བསྡུས་ཏེ་སྦྱར་བ་གསུང་ངག་ཚད་མ་ལུང་དང་སྦྱར་བའི་གདམས་ངག་གོའི་མཐའ་ཅན། རྗེ་བཙུན་བརྩེ་བ་ཆེན་པོས་མཛད་པའི་གསུང་ངག་རིན་པོ་ཆེ་ལུང་འདི་ཉིད་དང་ཞིབ་ཏུ་སྦྱར་བ།་་་་་དཀར་ཆག་ཏུ་ལུང་འདི་ཉིད་དང་ཞིབ་ཏུ་སྦྱར་བ་ནི་ལོགས་སུ་ཤེས་པར་བྱའོ་གསུང་བ་འདི་ཡིན་པས། དཔེ་ལ་ལར་དམར་གྱིས་མཛད་ཚུལ་འདུག་པ་ནི་མཆན་བུ་ལྟ་བུ་དམར་གྱིས་མཛད་པ་ཡོད་སྲིད་པ་ལ་འཁྲུལ་ལམ་སྙམ་མོ། །ཕྲ་མོའི་ཆོས་སྡེར་ཡང་སྣང་ངོ༌།
། གླེང་གཞི་དང་གླེང་བསླང་བ་དང་རྒྱུད་ཀྱི་ཡན་ལག་རྒྱས་པར་དབྱེ་བ་དང་སྦྱར་བ་གསུམ་གྱི་སྒོ་ནས་བསྟན་པ་་་་་་ལུང་སྦྱོར་གསུམ་པོ་འདི་ལུང་ཚད་མ།
མཚོན་གྱིས་བསྲུངས་ལ་མཁའ་འགྲོས་བཟོད་པར་གསོལ་གྱི་མཐའ་ཅན། བླ་མ་ཚད་མར་སྦྱར་བའི་སྐབས་ཀྱི་བླ་མ་བརྒྱུད་པ་རྒྱ་གར་བའི་ལོ་རྒྱུས་ཞེས་པ་རྣལ་འབྱོར་དབང་ཕྱུག་གི་རྣམ་ཐར།་་་་་འདི་གཉིས་བླ་མ་ཚད་མའོ།
། བླ་མ་བརྒྱུད་པ་བོད་ཀྱི་ལོ་རྒྱུས་ཞེས་པ་འབྲོག་མི་ལོ་ཆེན་ནས་ས་སྐྱ་པ་ཆེན་པོའི་བར་གྱི་རྟོགས་བརྗོད་མདོར་བསྡུས། འདི་ཡན་གྱིས་ལམ་འབྲས་གླེགས་བམ་ཆོས་སྣ་དྲུག་ཅུ་ཞེས་པ་ཚང་བ་ཡིན་ལ། རྗེས་འབྲང་ལ་ལ་དག་རྡོ་རྗེའི་ཚིག་རྐང་དང་རྟོག་བསལ་དོར་ནས་ཡི་གེ་མེད་པའི་ལུང་སྦྱོར་རྒྱས་པ་དང་ཕྲ་མོའི་དཀར་ཆག་གཉིས་འདྲེན་