[A:639]yan la rtogs pa bsal ba'i skor ma gtogs dngos bstan gyi yi ge rnams kyi steng du dbang chu/ sgrub thabs yan lag bzhi drug bdag med ma'i sgrub thabs/ sbyin sreg rnams bsnan pa'i chos sna sum cu po rnams nyams myong tshad ma yin no/ /
tshad ma bzhi pa bka' yang dag pa'i lung tshad ma dang sbyor bar lung tshad ma gsung ngag rin po che 'di nyid dang mdor bsdus te sbyar ba lam phyi ma gnyis kyang de bzhin du shes par bya'o'i mtha' can/ gsung ngag rin po che lung mtha' dag dang mdor bsdus te sbyar ba gsung ngag tshad ma lung dang sbyar ba'i gdams ngag go'i mtha' can/ rje btsun brtse ba chen pos mdzad pa'i gsung ngag rin po che lung 'di nyid dang zhib tu sbyar ba/ dkar chag tu lung 'di nyid dang zhib tu sbyar ba ni logs su shes par bya'o gsung ba 'di yin pas/ dpe la lar dmar gyis mdzad tshul 'dug pa ni mchan bu lta bu dmar gyis mdzad pa yod srid pa la 'khrul lam snyam mo/ /phra mo'i chos sder yang snang ngo /
/ gleng gzhi dang gleng bslang ba dang rgyud kyi yan lag rgyas par dbye ba dang sbyar ba gsum gyi sgo nas bstan pa lung sbyor gsum po 'di lung tshad ma/
mtshon gyis bsrungs la mkha' 'gros bzod par gsol gyi mtha' can/ bla ma tshad mar sbyar ba'i skabs kyi bla ma brgyud pa rgya gar ba'i lo rgyus zhes pa rnal 'byor dbang phyug gi rnam thar/ 'di gnyis bla ma tshad ma'o/
/ bla ma brgyud pa bod kyi lo rgyus zhes pa 'brog mi lo chen nas sa skya pa chen po'i bar gyi rtogs brjod mdor bsdus/ 'di yan gyis lam 'bras glegs bam chos sna drug cu zhes pa tshang ba yin la/ rjes 'brang la la dag rdo rje'i tshig rkang dang rtog bsal dor nas yi ge med pa'i lung sbyor rgyas pa dang phra mo'i dkar chag gnyis 'dren