[A:133]ཁུང་རྩང་དང་བཅས་པ། མགོན་པོ་ཕུར་བུ་ལྟར་སྒྲུབ་པའི་སྒྲུབ་ཐབས་རྒྱས་བསྡུས་སོ་སོའི་ཤོམ། པུ་ཏྲ་མིང་སྲིང་གསུམ་གྱི་ཙཀ་ལི། དམ་ཤིང་དང་བ་དན་གྱི་དཔེ། སྤྲ་ཚིལ་གྱི་ལིང་ག་གསལ་ཤིང་ལ་བསྐྱོན་པ། གཏོར་ཟོར། རྡོ་ཟོར། ཁྲག་ཟོར། མདའ་ཟོར། རྭ་ཟོར། ཀོང་ཟོར། ཕུར་ཟོར། ལྷ་བརྒྱད་འཇམ་ལུགས་སུ་སྒྲུབ་པའི་གནོད་སྦྱིན་ཕོ་མོའི་འཁོར་ལོ། རུ་མཚོན་རྩེ་ལྔའི་ཤོམ། ལྷ་བརྒྱད་རྩུབ་ལུགས་ཀྱི་གནོད་སྦྱིན་ཡབ་ཡུམ་གྱི་འཁོར་ལོ། སྦགས་སྒྲུབ་དུས་ཐུན་གྱིས་གསད་རྒྱུའི་ལིང་ག་སྔགས་ཅན་དང༌། མེའི་གདུང་བས་བསད་པའི་འཁོར་ལོ། མཁའ་འགྲོ་འཁུ་ལྡོག་སྤང་བའི་འཁོར་ལོ། ཕོ་རྐྱང་གི་སྒྲུབ་ཐབས་བྲམ་ཟེ་མཆོག་སྲེད་ཀྱི་གཞུང་ལྟར་ཟན་ལིང་གི་ཁོག་པར་འཇུག་རྒྱུའི་འཁོར་ལོ། དམ་པས་མཛད་པའི་ངག་གནོན་ལིང་གརང་སྲུང་འཁོར་ལོ་ཆེན་མོ་རྣམས་ཀྱི་སྟེང་ནས་ཕྱག་ལེན་ངོ་སྤྲོད་མཛུབ་བཙུགས་སུ་ལེགས་པར་ནོས། རྩ་བའི་གཉིས་པ་དེར་མ་འདུས་པའི་ཡན་ལག་གི་ཡི་གེའི་སྐོར་ནི། རྡོ་རྗེ་འཆང་ཚར་པ་ཆོས་རྗེས་མཛད་པའི་མེ་འབར་དཀར་ཆག་སྙིང་པོ་གནད་སྒྲོན་ལས། འདི་ན་མ་བསྒྲིགས་ཟབ་གནད་ཀྱི། །ཡི་གེ་ཐོར་བུ་སྦས་པ་རྣམས། །ཁོ་བོས་དཀར་ཆག་གཞན་དུ་བྲིས། །སྣོད་ལྡན་དད་པའི་མིག་ལྡན་དག། ངོ་མཚར་ལྟད་མོ་བྱོས་ཤིག་ཀྱེ། །ཞེས་འབྱུང་བ་ལྟར་མེ་འབར་གླེགས་བམ་དུ་མ་བཀོད་པར་ཟབ་ཅིང་གསང་བའི་གབ་སྦས་ཀྱི་ཡིག་སྣ་འགའ་ཞིག་དང་རྗེ་བཙུན་རྡོ་རིང་པ་ཆེན་པོས་མགོན་པོ་འདིའི་ཆོས་སྐོར་བླ་མ་དམ་པ་བཅུ་གཅིག་ཙམ་ལས་གསན་པ་དང་གཞན་ཡང་རྫོང་པ་ཤེས་རབ་རིན་ཆེན་དང་གོང་དཀར་བ་ཚེ་