[A:194]འདོད་ཁམས་དབང་ཕྱུག་ཁྲག་འཐུང་དུད་པའི་སོལ་བ་ཅན་གྱི་སྐོར་ལ། དེ་ཡང་དཔལ་ལྡན་ལྷ་མོ་འདོད་ཁམས་ཀྱི་དབང་ཕྱུག་མ་ལ་རྗེ་ཁོལ་གཉིས་སུ་གྲགས་པའི་དུད་པའི་སོལ་བ་ཅན་འདི་རྗེ་མོ་རེ་མ་ཏཱི་ཡིན་ཞིང༌། གུར་མགོན་གྱི་སྐབས་མགོན་པོ་ལྕམ་དྲལ་གཉིས་སུ་གྲགས་ནའང་ས་སྐྱ་པའི་ལུགས་ལ་རྗེས་གནང་ཟུར་པ་མེད་ཅིང་སྒྲུབ་ཐབས་ལ་ཚོགས་བདགབཀའ་སྡོད། ཕྱི་པ། ནང་པ་ལྟར་སྒྲུབ་ཚུལ་ཡོད་ཀྱང་མན་ངག་ཡོངས་སུ་རྫོགས་པ་མེད་པར་བརྟེན། རྡོ་རྗེ་འཆང་ཚར་པ་ཆོས་རྗེས་ཡུམ་བཀའི་སྐོར་གྱི་རྗེས་གནང་མན་ངག་ཚང་བ་ཞིག་ཐུགས་ལ་བཞེད་ནས། ཚུལ་དེ་ས་ལུགས་དྭགས་བརྒྱུད་པ་སོགས་གང་དུའང་མ་རྙེད་པར་རིམ་གྱིས་རྩད་གཅོད་གནང་བས་ཆུ་མགོ་གངས་དཀར་གྱི་དཔེ་བཞིན། རྗེ་མར་པས། དུད་སོལ་ལྷ་མོ་མ་གཏོགས་པའི། །བསྟན་སྲུང་བརྒྱ་དང་རྩ་བརྒྱད་ཞུས། །ཞེས་གསུངས་པ་ལྟར་ཤིན་ཏུ་གཅེས་སྤྲས་སུ་མཛད་པའི་ལྷ་མོའི་སྐོར་འདི་སྤྱིར་དཔལ་ནཱ་རོ་པ་ལ་བསྟན་སྲུང་བརྒྱ་རྩ་བརྒྱད་ཡོད་པའི་ཁྲོད་ནས་གཏོར་མ་དངོས་སུ་ལེན་པའི་ཆོས་སྐྱོང་གསུམ་ཡོད་པའི་ནང་ནས་གདམ་ང་འདི་ལ་མཛད་པས་རྟེན་འབྲེལ་གྱི་སྒོ་འགྲིགལོ་གསུམ་བལ་པོའི་མཐིལ་དུ་བསྡད། །རྗེ་བྱིན་རླབས་ཅན་གྱི་བལ་པོ་ལ། །རྒྱུད་གཉན་པོར་གྲགས་པའི་གདན་བཞི་ཞུས། །ཆོས་སྐྱོང་དུད་སོལ་ལྷ་མོ་ཞུས། །ཞེས་བལ་པོ་ཕམ་མཐིང་པ་སྤྱི་ཐེར་བ་ལས་ཀྱང་གསན་ཅིང་རྗེ་མར་པ་ལ་སློབ་མའི་གཙོ་བོ་ཀ་ཆེན་བཞིའི་ནང་གི་རྔོག་ཆོས་ཀྱི་རྡོ་རྗེས་ལོ་ཙཱ་བའི་ཆོས་སྐྱོང་གི་གཙོ་བོར་དུད་སོལ་མ། ཀཾ་ཀ་རྩལ། ཐོད་ཕྲེང་ཅན་གསུམ་ཞུས་པས་གསུམ་ག་མི་ཡོང་འདམ་བཏང་བར་ཀྱེ་རྡོར་དང་