[A:194]'dod khams dbang phyug khrag 'thung dud pa'i sol ba can gyi skor la/ de yang dpal ldan lha mo 'dod khams kyi dbang phyug ma la rje khol gnyis su grags pa'i dud pa'i sol ba can 'di rje mo re ma tI yin zhing / gur mgon gyi skabs mgon po lcam dral gnyis su grags na'ang sa skya pa'i lugs la rjes gnang zur pa med cing sgrub thabs la tshogs bdagabaka' sdod/ phyi pa/ nang pa ltar sgrub tshul yod kyang man ngag yongs su rdzogs pa med par brten/ rdo rje 'chang tshar pa chos rjes yum bka'i skor gyi rjes gnang man ngag tshang ba zhig thugs la bzhed nas/ tshul de sa lugs dwags brgyud pa sogs gang du'ang ma rnyed par rim gyis rtsad gcod gnang bas chu mgo gangs dkar gyi dpe bzhin/ rje mar pas/ dud sol lha mo ma gtogs pa'i/ /bstan srung brgya dang rtsa brgyad zhus/ /zhes gsungs pa ltar shin tu gces spras su mdzad pa'i lha mo'i skor 'di spyir dpal nA ro pa la bstan srung brgya rtsa brgyad yod pa'i khrod nas gtor ma dngos su len pa'i chos skyong gsum yod pa'i nang nas gdam nga 'di la mdzad pas rten 'brel gyi sgo 'grigalo gsum bal po'i mthil du bsdad/ /rje byin rlabs can gyi bal po la/ /rgyud gnyan por grags pa'i gdan bzhi zhus/ /chos skyong dud sol lha mo zhus/ /zhes bal po pham mthing pa spyi ther ba las kyang gsan cing rje mar pa la slob ma'i gtso bo ka chen bzhi'i nang gi rngog chos kyi rdo rjes lo tsA ba'i chos skyong gi gtso bor dud sol ma/ kaM ka rtsal/ thod phreng can gsum zhus pas gsum ga mi yong 'dam btang bar kye rdor dang