[A:232]ཆོས་རྣམས་ལ་དཔོན་སློབ་གཉིས་ཀས་ཚོགས་དང་བསྐང་བཤགས་སོགས་ཀྱི་སྒོ་ནས་མཁའ་འགྲོ་སྲུང་མ་རྣམས་ཀྱི་ཉམས་ཆག་སྐོང་ཞིང་བཀའ་རྒྱ་བཀྲོལ་ཏེ་གནང་བ་ཞུ་བ་མ་བྱས་ན་འཕྲལ་དུ་འཚུབ་ཅིང་མཐར་མི་ཤིས་པ་ལ་སོགས་པ་འབྱུང་བས་ལྷ་འདོད་ཡོན་ལ་ལོངས་སྤྱོད་པ་ལྟ་བུའི་སྙན་བརྒྱུད་དང་པོར་བྱས་ཏེ། གཉིས་པ་ཆུ་བོ་གངྒཱའི་རྒྱུན་ལྟ་བུ། གསུམ་པ་གསེར་འགྱུར་གྱི་རྩི་ལྟ་བུ། བཞི་པ་ཆོས་ལ་ཡིད་ཆེས་ཀྱི་མོས་གུས་རྙེད་པ་གཞོན་ནུའི་དགའ་བ་ལྟ་བུའི་གོ་རིམ་སྟེ། དེ་ཡང་བཤད་ཚུལ་གཉིས་པོ་གང་བྱས་ཀྱང་གོ་རིམས་ཙམ་ལས་དོན་ལ་ཁྱད་མེད་ནའང་ཕྱི་མའི་རྗེས་སུ་འབྲངས་ཏེ་སྙན་བརྒྱུད་དང་པོའི་རྟེན་འབྲེལ་བསྒྲིག་པ་སྔོན་དུ་འགྲོ་བ་བྱས་ནས། སྙན་བརྒྱུད་གཉིས་པ་རྗེས་གནང་དང་གསུམ་པ་གདམས་པའི་དངོས་གཞི་གཉིས། དང་པོ་ལ། པཎ་ཆེན་ནམ་མཁའ་དཔལ་བཟང་པས་མཛད་པའི་གཉན་མགོན་ཆེན་པོ་ཞལ་བཞི་པ་ཡུམ་ཆེན་སྲིང་མོ་བཞི་དང་བཅས་པའི་རྗེས་གནང་གི་ཡི་གེའི་སྟེང་ནས་སམ། གཉན་ལོའི་གནད་ཡིག་དང་དགའ་ལྡན་པ་ཀུན་བསོད་ཀྱི་ཡི་གེ་དང་ཚར་ཆེན་ཆོས་ཀྱི་རྒྱལ་པོས་མཛད་པའི་རྗེས་གནང་གི་ཡི་གེ་དངོས་གྲུབ་རྒྱ་མཚོ་དང་བརྒྱུད་པའི་ཕྱག་ལེན་ལ་བརྟེན་ནས་བསྙེན་དུས་ཀྱི་མགོན་པོའི་རྗེས་
༡
གནང༌། ཕོ་ཉ་མྱུར་མགྱོགས་དང་རྗེས་གནང་གི་ཡི་གེ་གོང་མ་རྣམས་ལ་བརྟེན་ནས་སྒྲུབ་དུས་ཐུན་མོང་བའི་རྗེས་༢
གནང༌། ཡི་གེ་དེ་གཉིས་དང་རྡོ་རྗེ་འཆང་ཚར་པ་ཆོས་རྗེས་མཛད་པའི་བཀའ་རྒྱ་མ་ལ་སོགས་པ་ལ་བརྟེན་ནས་སྒྲུབ་དུས་ཀྱི་རྗེས་༣
གནང་ཐུན་མོང་མ་ཡིན་པ། རྗེས་གནང་གི་ཡི་གེ་གོང་མ་དང་མཐོང་བརྒྱུད་ཀྱི་ཕྱག་ལེན་དབྲི་སྣོན་ལྟར་ལས་སྦྱོར་གྱི་མགོན་