[A:235]ཏེ། ཚེ་འདི་ཉིད་ལ་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་མངོན་དུ་བྱེད་ནུས་པའི་གསང་ཁྲིད་ཀྱི་ཉམས་ཁྲིད་ཟབ་མོ་དང་ཞིང་སྐྱོང་དབང་པོ་འཁོར་བཅས་བྱང་ཆུབ་མ་ཐོབ་ཀྱི་བར་དུ་རང་གི་སྙིང་དབུས་སུ་འབྲལ་མེད་དུ་བཞུགས་ནས་མཆོག་དང་ཐུན་མོང་གི་དངོས་གྲུབ་མ་ལུས་པ་སྩོལ་བའི་དམར་ཁྲིད་དཔལ་ལྡན་ས་སྐྱ་པའི་གདུང་བརྒྱུད་ཁོ་ན་ལ་ཆིག་བརྒྱུད་དུ་བཞུགས་པའི་ཉམས་ཁྲིད་ཟབ་མོ་སྨིན་རྒྱས་སུ་ལེགས་པར་ནོས་སོ། །གཉིས་པ་རྒྱབ་བརྟེན་ལུང་དང་ཕྱག་བཞེས་མན་ངག་བཅས་པ་ལ། དཀར་ཆག་གིས་ཟིན་པའི་སྐོར་དང༌། མ་ཟིན་པའི་སྐོར་ཏེ་གཉིས་ལས། དང་པོ་ནི། ཚར་ཆེན་ཆོས་ཀྱི་རྒྱལ་པོས་མཛད་པའི་དཔལ་རྡོ་རྗེ་ནག་པོ་ཆེན་པོ་གདོང་བཞི་པའི་ཆོས་སྐོར་གྱི་དཀར་ཆག་གསུང་རྒྱུན་པདྨའི་སྲད་བུར་བརྒྱུས་པའི་ཟབ་དོན་ནོར་བུའི་དོ་ཤལ། དེ་ལས་གསུངས་པའི་ཆོས་སྡེའི་རྣམ་གྲངས་པཎྜི་ཏ་འབུམ་ཕྲག་གསུམ་པ་ནས་བརྒྱུད་པ། ཤྲཱི་པཎྜི་ཏ་ཏ་ཐཱ་ག་ཏ་རཀྵི་ཏ་ནས་བརྒྱུད་པ། ཁ་སརྤཱ་ཎིའི་རི་སུལ་གྱི་རྣལ་འབྱོར་མ་ཀུ་ས་ལི་ཆེན་མོ་ནས་བརྒྱུད་པ་དང་གསུམ། དང་པོ་ལ། འགོར་སྐད་ཤན་སྦྱར་དང་དཔལ་མགོན་པོ་ནག་པོ་ལ་ཕྱག་འཚལ་ལོ། །འཇིགས་པའི་ཚོགས་རྣམས་འཇིགས་བྱེད་པའི། །ནག་པོ་དེ་ལ་ཕྱག་འཚལ་ནས། །ཞེས་ཡོད་པའི་མགོན་པོ་གདོང་བརྙན་ཅན་ནམ་ལས་སྦྱོར་གྱི་མགོན་པོར་གྲགས་པ་གླང་གདོང་ཕྱག་དྲུག་པའི་སྒྲུབ་༼གློ༽༼ཉི༽༼༽ཐབས་ཀྱི་རྩ་བའི་རྒྱ་གཞུང་སློབ་དཔོན་ཀླུ་སྒྲུབ་སྙིང་པོས་མཛད་པ་པཎྜི་ཏ་འབུམ་ཕྲག་གསུམ་པ་དང་ལོ་ཙཱ་བ་གཉན་དར་མ་གྲགས་ཀྱིས་བསྒྱུར་བ། རྒྱ་གཞུང་གི་འགྲེལ་པ་དྲི་མེད་དོན་