[A:235]te/ tshe 'di nyid la zung 'jug rdo rje 'chang chen po'i go 'phang mngon du byed nus pa'i gsang khrid kyi nyams khrid zab mo dang zhing skyong dbang po 'khor bcas byang chub ma thob kyi bar du rang gi snying dbus su 'bral med du bzhugs nas mchog dang thun mong gi dngos grub ma lus pa stsol ba'i dmar khrid dpal ldan sa skya pa'i gdung brgyud kho na la chig brgyud du bzhugs pa'i nyams khrid zab mo smin rgyas su legs par nos so/ /gnyis pa rgyab brten lung dang phyag bzhes man ngag bcas pa la/ dkar chag gis zin pa'i skor dang / ma zin pa'i skor te gnyis las/ dang po ni/ tshar chen chos kyi rgyal pos mdzad pa'i dpal rdo rje nag po chen po gdong bzhi pa'i chos skor gyi dkar chag gsung rgyun padma'i srad bur brgyus pa'i zab don nor bu'i do shal/ de las gsungs pa'i chos sde'i rnam grangs paNDi ta 'bum phrag gsum pa nas brgyud pa/ shrI paNDi ta ta thA ga ta rakShi ta nas brgyud pa/ kha sarpA Ni'i ri sul gyi rnal 'byor ma ku sa li chen mo nas brgyud pa dang gsum/ dang po la/ 'gor skad shan sbyar dang dpal mgon po nag po la phyag 'tshal lo/ /'jigs pa'i tshogs rnams 'jigs byed pa'i/ /nag po de la phyag 'tshal nas/ /zhes yod pa'i mgon po gdong brnyan can nam las sbyor gyi mgon por grags pa glang gdong phyag drug pa'i sgrub (glo)(nyi)()thabs kyi rtsa ba'i rgya gzhung slob dpon klu sgrub snying pos mdzad pa paNDi ta 'bum phrag gsum pa dang lo tsA ba gnyan dar ma grags kyis bsgyur ba/ rgya gzhung gi 'grel pa dri med don