[A:268]འདི། །བདག་གི་འདྲེན་མཆོག་ཀུན་སྤངས་ཆོས་རྗེ་ལས། །གཞན་ན་ཡོད་མེད་གཟུ་བོའི་བློས་ལྟོས་ཤིག། འདི་ལྟའི་མན་ངག་སྙིང་ཁྲག་ཞུན་མ་འདི། །སྤེལ་བའི་གནས་མེད་བསེ་བྲག་དམར་པོར་སྦོས། །ཅིས་ཀྱང་སྤེལ་ན་སྣོད་ལྡན་གཅིག་ཉིད་ལ། །བཀའ་རྒྱས་ཐོབ་ལ་མགོན་པོ་དཔང་དུ་ཚུགས། །ཞེས་འབྱུང་བ་ལྟར་ས་བཅད་གསུམ་པའི་སྐོར་འདི་ཁའུ་བྲག་རྫོང་པའི་བརྒྱུད་འཛིན་རྣམས་ལས་ཀུན་ལ་མ་གྲགས་པའི་ཟབ་ཅིང་གཉན་པས་སྣོད་དང་ལྡན་ངེས་ལ་ཆོས་སྐྱོང་དཔང་དུ་བཙུགས་ནས་སྟོན་དགོས་པའི་ཚུལ་འདི་སྙིང་གི་དཔལ་བེའུར་བཅང་བར་བྱའོ། །ཞར་བྱུང་དཔེ་རིས་ཀྱི་སྐོར་ལ། གཏུམ་པོ་རང་སྲུང་གི་འཁོར་ལོ་རྩིབས་དྲུག་པ། ཆུང་བ་གྲི་གུག་མ།
་་་་་འོག་གི་འཁོར་བསྲུང་བའི་དཔེ་རིས་ཀྱང་དབྱིབས་འདི་ཁ་ལ་འདྲི་ཚུལ་གྱི་ཁྱད་པར་ཅུང་ཟད་ཡོད།
རང་སྲུང་ཕྲ་མོ་ཡིད་བཞིན་འཁོར་ལོའི་དཔེ་རིས་རྒྱས་འབྲིང་བསྡུས་གསུམ། ་་་་་འདི་གསུམ་གྱི་དབྱེ་བ་ཞལ་ལས་ཤེས་དགོས།
དཀར་ཆག་ན། རང་སྲུང་འཁོར་ལོ་ཆེ་ཆུང་གསུམ་གསུངས་པའི་ཆུང་བ་ཤོག་དྲིལ་ཉེར་གཅིག་གི་འཁུ་ལྡོག་བསྲུང་བའི་རང་སྲུང་འཁོར་ལོ་གྲི་ཐོད་མའམ་སྐུ་གསུང་ཐུགས་འཁོར་དུ་གྲགས་པ། ་་་་་ཞལ་བཞི་ཡོངས་སུ་རྫོགས་པའི་རང་སྲུང་ཡང་ཟེར།
གཏུམ་པོའི་སྒོ་ནས་མི་མ་ཡིན་དྲག་པོ་སྲུང་བའི་འཁོར་ལོ། འཁོར་སྲུང་བའི་གྲི་གུག་ཅན། ཤོག་དྲིལ་ཉེར་གཅིག་གི་གསང་བ་རང་སྲོག་རྟེན་གྱི་འཁོར་ལོ་རྩིབས་དྲུག་ཁ་སྦྱོར་ལུས་དང་གྲིབ་མ་བཞིན་འགྲོགས་པ། ཡི་གེ་རྙིང་པ་ལས་བྱུང་བའི་བསད་པའི་འཁོར་ལོ་ལིང་ཚེ་ཉི་ཤུ་པ་དང༌། བཅོ་ལྔ་པ། དམར་གྱི་བཞེད་པ་གཅིག ལིང་ཚེ་རྐྱང་པ་བཅོ་ལྔ་པ་དང༌། ཉི་ཤུ་པ། ལིང་ག་འཁོར་ལོ་ཅན། ལིང་ག་ལིང་ཚེ་ཅན་འཁོར་