[A:268]'di/ /bdag gi 'dren mchog kun spangs chos rje las/ /gzhan na yod med gzu bo'i blos ltos shig/ 'di lta'i man ngag snying khrag zhun ma 'di/ /spel ba'i gnas med bse brag dmar por sbos/ /cis kyang spel na snod ldan gcig nyid la/ /bka' rgyas thob la mgon po dpang du tshugs/ /zhes 'byung ba ltar sa bcad gsum pa'i skor 'di kha'u brag rdzong pa'i brgyud 'dzin rnams las kun la ma grags pa'i zab cing gnyan pas snod dang ldan nges la chos skyong dpang du btsugs nas ston dgos pa'i tshul 'di snying gi dpal be'ur bcang bar bya'o/ /zhar byung dpe ris kyi skor la/ gtum po rang srung gi 'khor lo rtsibs drug pa/ chung ba gri gug ma/
'og gi 'khor bsrung ba'i dpe ris kyang dbyibs 'di kha la 'dri tshul gyi khyad par cung zad yod/
rang srung phra mo yid bzhin 'khor lo'i dpe ris rgyas 'bring bsdus gsum/ 'di gsum gyi dbye ba zhal las shes dgos/
dkar chag na/ rang srung 'khor lo che chung gsum gsungs pa'i chung ba shog dril nyer gcig gi 'khu ldog bsrung ba'i rang srung 'khor lo gri thod ma'am sku gsung thugs 'khor du grags pa/ zhal bzhi yongs su rdzogs pa'i rang srung yang zer/
gtum po'i sgo nas mi ma yin drag po srung ba'i 'khor lo/ 'khor srung ba'i gri gug can/ shog dril nyer gcig gi gsang ba rang srog rten gyi 'khor lo rtsibs drug kha sbyor lus dang grib ma bzhin 'grogs pa/ yi ge rnying pa las byung ba'i bsad pa'i 'khor lo ling tshe nyi shu pa dang / bco lnga pa/ dmar gyi bzhed pa gcig ling tshe rkyang pa bco lnga pa dang / nyi shu pa/ ling ga 'khor lo can/ ling ga ling tshe can 'khor