[A:317]གྱི་གཙུག་གི་ནོར་བུར་འགྱུར་རོ། །འདི་ནི་རྟེན་གྱི་མན་ངག་གོའི་མཐའ་ཅན། ཡང་སྐུའི་མདུན་དུ་མཆོད་གཏོར་འབུལ་བའི་མན་ངག་དེས་དགའ་མགུར་འདུ་བ་ཡིན་ནོའི་མཐའ་ཅན། ཡང་ཡབ་ཡུམ་གྱི་སྐུ་སྦ་བའི་མན་ངག་རྟེན་གྱི་མན་ངག་ལོགས་སུ་བཀོལ་བའོའི་མཐའ་ཅན། བསྟོད་བསྐུལ་དཔལ་ལྡན་དུར་ཁྲོད་བདག་པོ་ནི་ཞེས་དང་བསྟོད་ཅིང་བསྐུལ་བ་རྫོགས་སོའི་མཐའ་ཅན། རྫས་དང་སྔགས་ལ་བརྟེན་ནས་སྨྱོ་བ་འདུལ་བ་གཞན་ཞིག་འདྲིར་བཅུག་པས་ཀྱང་འགྲུབ་བོའི་མཐའ་ཅན། དེའི་ལས་སྦྱོར་དམ་ཉམས་བསྒྲལ་བའི་ལས་ཚོགས་དྲག་པོའི་ལས་སོའི་མཐའ་ཅན། ཡང་དུར་ཁྲོད་བདག་པོ་ཡབ་ཡུམ་གྱི་རྗེས་གནང་བྱ་བའི་ཚུལ་དཔལ་ས་སྐྱ་པ་ཆེན་པོས་གཡུ་མཁར་མོ་སྒྲོལ་མ་ལྷ་ཁང་དུ་བྲིས་སོའི་མཐའ་ཅན། ཡར་ཀླུངས་པས་མཛད་པའི་མཆོད་གཏོར་འགོར། འདིར་རྗེ་བཙུན་ས་སྐྱ་པ་ནས་བརྒྱུད་པའི་དཔལ་དུར་ཁྲོད་བདག་པོའི་བསྙེན་པ། མཆོད་གཏོར་བསྡུས་པ་བྱ་བའི་ཚུལ་ནི། བླ་མ་མཚན་ཉིད་དང་ལྡན་པས་ཞེས་པ་ནས། ཆོམ་རྐུན་བསྲུང་བའི་མཇུག་ཏུ་གཞན་ལས་ཚོགས་མང་པོ་མཆིས་པ་རྣམས་བླ་མ་བཻ་རོ་ཙ་ན་དང་བླ་མ་ས་སྐྱ་པ་ཆེན་པོའི་གསུང་རབ་ལས་ཤེས་པར་བྱའོའི་མཐའ་ཅན། རྗེས་གནང་གཏོར་ཆོག་གི་ཡི་གེ་ཡར་ཀླུངས་པ་སེངྒེ་རྒྱལ་མཚན་གྱིས་མཛད་པ། གཞན་ཡང་ས་ལོས་མཛད་པའི་ཡབ་ཡུམ་གྱི་གཏོར་ཆོག སྔགས་འཆང་ཆེན་པོས་མཛད་པའི་རྗེས་གནང་གི་ཡི་གེ་དང་བསྐང་བ་རྣམས་ཀྱི་ལུང་བཅས་ཐོབ་པ་ལས། རྗེས་གནང་གི་བརྒྱུད་པ་ནི། རྡོ་རྗེ་འཆང༌། རྡོ་རྗེ་རྣལ་འབྱོར་མ། གྲུབ་ཆེན་པདྨ་བཛྲ། རཱ་ཧུ་ལ་བཛྲ། སྒེག་པའི་རྡོ་རྗེ། ཛྙཱ་ན་