[A:316]འཚལ་དང༌། གང་དང་རྣལ་འབྱོར་པ་རྣམས་ཀྱིས། །ཞེས་ཡོད་པའི་སྒྲུབ་ཐབས་ཚིགས་བཅད་མ། མཇུག་ཏུ་ཤིན་ཏུ་གསང་ནས་བསྒྲུབས་ན་ཡོན་ཏན་བསམ་གྱིས་མི་ཁྱབ་པ་འབྱུང་ངོ༌། །དཔལ་དུར་ཁྲོད་བདག་པོའི་སྒྲུབ་ཐབས་རྫོགས་བྱང་དང༌། བླ་མ་བཻ་རོའི་མན་ངག་ཐུན་མོང་མ་ཡིན་པའོ་ཤིན་ཏུ་ཟབ་བོ་རྒྱུད་ལས་ཕྱུང་ནས་མཛད་པ་འཛིམ་ལོའི་འགྱུར། ཡང་ཇག་པ་སྲུང་བའི་ཐབས་ཟབ་མོ་འགོར་རྒྱ་སྐད་བོད་སྐད་དང༌། སྲུང་བའི་ལྷ་ལ་ཕྱག་འཚལ་ལོ། །རང་གི་སྔོན་དང་ཞེས་ཡོད་པ་ཚིགས་བཅད་མ། འདི་ལ་ཐེ་ཚོམ་སྤང་བའོའི་མཐའ་ཅན་འཛིམ་ལོས་བསྒྱུར་བ། དེའི་འགྲེལ་པ་ས་སྐྱ་པ་ཆེན་པོས་མཛད་པ། འགོར་ཕྱག་འཚལ་དང༌། དཔལ་ལྡན་དུར་ཁྲོད་བདག་པོ་ཡི། །གདམས་པ་གཞུང་དང་མི་འགལ་བ་ཞེས་ཡོད་པ། བདག་གཞན་བསྲུང་བའི་བསྙེན་པ། སྒྲུབ་པ། ལས་ལ་སྦྱར་བ་རྣམས་ཀྱི་ལག་ལེན་གསལ་བར་བཀོད་པ། འདི་ལ་མོས་ཤིང་སྒྲུབ་པ་རྣམས། །བར་ཆད་མེད་པར་དངོས་གྲུབ་ཀུན། །ཅི་འདོད་པ་ནི་གྲུབ་ནས་སུ། །ཕྱག་རྒྱ་ཆེན་པོ་ཐོབ་པར་ཤོག། དཔལ་དུར་ཁྲོད་བདག་པོའི་མན་ངག་ལག་ལེན་ས་མཱཔྟའི་མཐའ་ཅན། ལས་ཚོགས་དུམ་བུ་ལ་འགོར་ཡུལ་དུ་རིམས་ནད་བྱུང་བ་ལ་ཞེས་དང་དེས་ནི་མི་ཕྱུགས་ནད་རྣམས་ཁེགས་ཀྱི་མཐའ་ཅན། བསྙེན་པ་དང་སྒྲུབ་པའི་ཡིག་ཆུང༌། ཙཀྲའི་རབ་གནས། བསྲུང་བའི་མན་ངག་རྣམས་ཀྱི་ཡིག་ཆུང་རེ། དེས་མཛད་པའི་བསྙེན་སྒྲུབ་ལས་སྦྱོར་གྱི་མན་ངག་འགོར། དམ་ཚིག་ལྡན་པའི་གང་ཟག་གིས་ཞེས་དང༌། མཇུག་ཏུ་ལས་སྦྱོར་ནི་ལས་ཚོགས་སོ་སོའི་སྐབས་བཞིན་ཤེས་པར་བྱའོའི་མཐའ་ཅན། སྐུ་རྟེན་སྦ་བའི་མན་ངག་ཀུན་