[A:321]ཡིན་ནོ་ཅོག་བསྡུས་པ་ནི་མིན་ནོ། །༈། །མགོན་པོ་གསང་བ་མངོན་པར་འབྱུང་བའི་རྒྱུད་ལེའུ་ལྔ་བཅུ་པ་ལས། ཞལ་གསུམ་ཕྱག་དྲུག་པ་ལྷ་མོ་བཞིའི་འཁོར་དང་བཅས་པ་ཟུར་ཙམ་བསྟན་པ་དང༌། རྩོད་དུས་ཀྱི་ཀུན་མཁྱེན་གཉིས་པ་བུ་སྟོན་རྗེས་སོམ་ཉིར་མཛད་ཀྱང་ཕྱག་བཞི་དྲུག་གི་བླ་མ་བརྒྱུད་པ་ཕལ་ཆེར་གྱིས་ཚད་ལྡན་དུ་མཛད་པ། མགོན་པོ་གསང་བ་དངོས་གྲུབ་འབྱུང་བའི་རྒྱུད་ཀྱི་ལེའུ་བཅུ་བཞི་པར། མགོན་པོ་ཀུན་གྱི་གནས་འདི་ནི། །ཞལ་གཅིག་པ་ལ་ཕྱག་དྲུག་པ། །དང་པོ་གྲི་གུག་ཐོད་ཁྲག་འཛིན། །སྤྱན་གསུམ་མཐིང་ནག་རྔམ་པ་ཡི། །གཡས་གཡོན་བར་པ་ཕྲེང་བ་དང༌། །ཌཱ་མ་རུ་ནི་འཛིན་ཅིང་བརྡུང༌། །ཐ་མ་གཉིས་ཀྱིས་ཁ་ཊྭཱཾ་ག། སྡིགས་མཛུབ་ཞགས་པས་འཆིང་བར་མཛད། །ཅེས་སོགས་གསལ་བར་བསྟན་ཅིང༌། རྒྱ་བོད་ཀྱི་པཎ་གྲུབ་དང་ལོ་ཙཱ་བ་མཁས་གྲུབ་རྣམས་ཀྱིས་ལེགས་པར་བཀྲལ་བའི་ཡེ་ཤེས་མགོན་པོ་ཕྱག་དྲུག་པའི་ཆོས་སྐོར་ལ། མཁས་གྲུབ་ཁྱུང་པོ་གདུབ་བུ་པས་ཀོ་ས་ལི་བིཀྵའི་དུར་ཁྲོད་དུ་རྗེ་བཙུན་མཻ་ཏྲི་པ་ཆེན་པོ་ལ་གསེར་སྲང་བདུན་ཕུལ་ནས་ཞུས་པའི་ཆོས་སྐྱོང་བའི་སྲུང་མ་འདི་ཉིད་ཀྱི་རྗེས་སུ་གནང་བའི་སྐོར་དང༌། མཁས་གྲུབ་ཁྱུང་པོ་འཕན་ཡུལ་འཇོག་པོའི་རི་ལ་སྒྲུབ་པ་མཛད་པའི་ཚེ་གྲུབ་ཆེན་རཱ་ཧུ་ལས་ཆོས་སྒོ་སྐྱེལ་གྱི་ཚུལ་གནང་བའི་རྗེས་གནང་གི་སྐོར་རྣམས་བསྡོམས་པས་མགོན་པོ་བཅུ་གསུམ་དུ་གྲགས་པ། སྐྱིད་ཤོད་སྤྲུལ་སྐུ་ངག་དབང་བསྟན་འཛིན་ཕྲིན་ལས་ཀྱིས་མཛད་པའི་ཡིག་ཆའི་སྟེང་ནས་ལེགས་པར་ཐོབ་པ་ལ། གཏོར་དབང་བར་གཅོད་ཀུན་སེལ། རྗེས་གནང་བར་གཅོད་ཀུན་སེལ། དབང་བཞི་