[A:321]yin no cog bsdus pa ni min no/ /!/ /mgon po gsang ba mngon par 'byung ba'i rgyud le'u lnga bcu pa las/ zhal gsum phyag drug pa lha mo bzhi'i 'khor dang bcas pa zur tsam bstan pa dang / rtsod dus kyi kun mkhyen gnyis pa bu ston rjes som nyir mdzad kyang phyag bzhi drug gi bla ma brgyud pa phal cher gyis tshad ldan du mdzad pa/ mgon po gsang ba dngos grub 'byung ba'i rgyud kyi le'u bcu bzhi par/ mgon po kun gyi gnas 'di ni/ /zhal gcig pa la phyag drug pa/ /dang po gri gug thod khrag 'dzin/ /spyan gsum mthing nag rngam pa yi/ /g.yas g.yon bar pa phreng ba dang / /DA ma ru ni 'dzin cing brdung / /tha ma gnyis kyis kha TwAM ga/ sdigs mdzub zhags pas 'ching bar mdzad/ /ces sogs gsal bar bstan cing / rgya bod kyi paN grub dang lo tsA ba mkhas grub rnams kyis legs par bkral ba'i ye shes mgon po phyag drug pa'i chos skor la/ mkhas grub khyung po gdub bu pas ko sa li bikSha'i dur khrod du rje btsun mai tri pa chen po la gser srang bdun phul nas zhus pa'i chos skyong ba'i srung ma 'di nyid kyi rjes su gnang ba'i skor dang / mkhas grub khyung po 'phan yul 'jog po'i ri la sgrub pa mdzad pa'i tshe grub chen rA hu las chos sgo skyel gyi tshul gnang ba'i rjes gnang gi skor rnams bsdoms pas mgon po bcu gsum du grags pa/ skyid shod sprul sku ngag dbang bstan 'dzin phrin las kyis mdzad pa'i yig cha'i steng nas legs par thob pa la/ gtor dbang bar gcod kun sel/ rjes gnang bar gcod kun sel/ dbang bzhi