[A:327]༈། །མཁན་ཆེན་ངག་དབང་ཆོས་གྲགས་ཀྱིས་མཛད་པའི་རྗེས་གནང་གི་ཡི་གེ་ལ་བརྟེན་ནས་དཔལ་ཤངས་པ་བཀའ་བརྒྱུད་པ་ལས་བརྒྱུད་པའི་བླ་མ་མགོན་པོ་དབྱེར་མེད་དམ་མགོན་དཀར་ཡིད་བཞིན་ནོར་བུའི་རྗེས་སུ་གནང་བ་ལེགས་པར་ཐོབ་ནས། རྒྱབ་བརྟེན་ལུང་ལ། མཁན་ཆེན་སངས་རྒྱས་ཕུན་ཚོགས་ཀྱི་འདི་སྐོར་གྱི་གདམས་པ་གསར་རྙིང་གི་ཡི་གེ་རྣམས་ཕྱོགས་གཅིག་ཏུ་བསྡེབས་པ་བེ་བུམ་དུ་བྱས་པའི་སྟེང་ནས་ལུང་ཐོབ་པའི་རྣམ་གྲངས་ལ། ཁྱུང་པོས་མཛད་པའི་བཅོམ་ལྡན་འདས་མགོན་པོ་ཡིད་བཞིན་ནོར་བུའི་སྒྲུབ་ཐབས་དགོས་འདོད་འབྱུང་བའི་གདམས་ངག་གི་རྒྱལ་པོ་དངོས་གྲུབ་མ་ལུས་པ་འབྱུང་བའི་བདག་ཉིད་ཅེས་བྱ་བ་ལོ་རྒྱུས། སྦྱོར་བ། དངོས་གཞི། རྗེས་གསུམ་གྱི་སྒོ་ནས་བསྟན་པ། མཇུག་ཏུ་བདག་ཁྱུང་པོ་རྣལ་འབྱོར་པས་ཞལ་གདམས་སྙན་བརྒྱུད་ཡི་གེ ར་བཀོད་པའི་མཐའ་ཅན། དེས་མཛད་པའི་བསྟོད་པ་ཕྱོགས་བཅུ་དུས་གསུམ་མ། ཡིད་བཞིན་ནོར་བུའི་ལོ་རྒྱུས་འགོར་བླ་མ་མཻ་ཏྲི་པ་ཀོ་ས་ལ་བིཀྵའི་དུར་ཁྲོད་ཅེས་དང༌། ཞལ་དངོས་སུ་སྟོན་ནོའི་མཐའ་ཅན། གཏོར་མའི་ཆོ་ག་འགྲོ་བའི་དོན་ལ་མཐུ་དང་ལྡན་པར་མཛོད་ཀྱི་མཐའ་ཅན། མཆོད་འབུལ་རྒྱུ་དང་འབྲས་བུའི་ཁྱད་པར་མ། བསྐང་བ་འགོར། དད་པ་དང་ནི་དམ་ཚིག་ཅེས་དང༌། བསམ་དོན་མ་ལུས་མྱུར་འགྲུབ་ནས། །ལོངས་སྤྱོད་འདོད་དགུའི་དཔལ་སྤྱོད་ཤོག་གི་མཐའ་ཅན། རྗེས་གནང་འགོར་མགོན་དཀར་ཡིད་བཞིན་ནོར་བུའི་རྗེས་གནང་ལ་དཀྱིལ་འཁོར་དང་གཏོར་མ་ཞེས་ཡོད་པ། ལྟེ་བར་ཧཱུྃ་དཀར་པོ་བྲིས་ལུགས་གཅིག་གོའི་མཐའ་ཅན། ན་མོ་བུདྡྷའི་གསོལ་འདེབས། ལས་ཚོགས་འགོར་ལས་ཁ་ཚར་འདི་ལ་ཞི་བ་ནོར་དུ་སྒྲུབ་