[A:328]ཅེས་དང༌། ཚེས་བརྒྱད་ནས་གནམ་སྟོང་གི་བར་ལ་བྱའོ་ས་མ་ཡ་ཨི་ཐིའི་མཐའ་ཅན། གཏེར་བུམ་བཅའ་བའི་མན་ངག་འགོར་བུམ་པ་ཁ་ཡངས་ཤིང་མཆུ་ཡོངས་སུ་གྲགས་པ་དང་ལྡན་པ་ཞེས་དང༌། ཆེས་ཤིན་ཏུ་གསང་བར་བྱ་ཞིང་དཔེ་སུ་ལའང་མི་བསྟན་ནོའི་མཐའ་ཅན། འཁོར་ལོའི་མན་ངག་འགོར་དབང་སྡུད་ཀྱི་འཁོར་ལོ་བྲི་བ་ནི་བྲི་བའི་གཞི་ཞེས་དང༌། ནོར་བུ་བྱེད་ཀྱི་ཧཱུྃ་བྲི་བ་མ་ཡིན་ནོའི་མཐའ་ཅན། སྦྱིན་སྲེག་གི་ཡི་གེ་འགོར་རྒྱས་པའི་སྦྱིན་སྲེག་བྱེད་ན་ཐབ་ཁུང་ཞེས་དང༌། སྦྱིན་སྲེག་བྱར་རུང་གསུང་ངོ་ཨི་ཐིའི་མཐའ་ཅན། བུམ་གཏེར་བཅའ་བའི་མན་ངག་འགོར་ཆོས་སྐྱོང་གི་བུམ་པ་བཅའ་བའི་ཐབས་ནི། དང་པོ་བུམ་པ་སོ་མ་བཏང་བ་ཞེས་དང༌། ཞལ་ཤེས་རྣམས་ཀྱང་ཡི་གེ ར་བཀོད་པ་ཡིན་པས་དཔེ་གཞན་ལ་མི་བསྟན་པར་ཆེས་ཆེར་དམ་པར་བྱའོའི་མཐའ་ཅན། བསྟོད་པ་ཆོས་དབྱིངས་སྤྲོས་བྲལ་མ། ཀུན་དགའ་འོད་ཀྱིས་ཆོས་སྐྱོང་ཞལ་མཇལ་དུས་བསྟོད་ཅིང་གསོལ་བ་བཏབ་པ་ཡིན་ནོའི་མཐའ་ཅན། རབ་གནས་ཀྱི་ཡི་གེ་འགོར་རབ་གནས་སྤྱི་དང་མཐུན་པའམ་འདིས་སྒོས་ཀྱི་རབ་གནས་ཞེས་དང༌། ཤངས་པའི་ཞལ་གདམས་ཡི་གེ ར་བཀོད་པའོའི་མཐའ་ཅན། ཡང་བླ་མའི་སྐུ་འབག་རབ་གནས་རྡོ་རྗེ་འཛིན་པ་ནམ་མཁའ་སྟོབས་རྒྱས་ཀྱིས་མཛད་པ་སྟེ་དེ་རྣམས་ཡིག་རྙིང་གི་སྐོར་རོ། །ཡི་གེ་ཕྱི་མ་ལ་ཚར་ཆེན་རྡོ་རྗེ་འཆང་ཆེན་པོས་མཛད་པའི་མགོན་དཀར་གྱི་སྒྲུབ་ཐབས་དང་བསྟོད་པ། འཇམ་དབྱངས་ཀུན་དགའ་གྲོལ་མཆོག་གིས་མཛད་པའི་སྒྲུབ་ཐབས་དང་རྗེས་གནང་གི་ཡི་གེ ངག་དབང་ཆོས་གྲགས་ཀྱིས་མཛད་པའི་རྗེས་གནང་གི་ཕྱག་ལེན་བཀླག་ཆོག་ཏུ་བཀོད་པ། མཁས་