[A:344]དང་བརྒྱད་ཀྱི་ཁུངས་གླེང་བའི་ལོ་རྒྱུས་མདོ་ཙམ་བྲིས་པའི་མཐར་ཚིགས་བཅད་འགའ་ཞིག་གིས་ཞབས་བརྟེན་པ། གསོལ་འདེབས་བརྗོད་བདེ་བརྒྱུད་པའི་མཚན་སྡོམ། ས་མ་འགྲེལ་ཡ་མཚན་འཕྲུལ་གྱི་ལྡེ་མིགསྤྱི་སྡོམ་ཁྲིད་ཚུལ་བརྒྱ་དང་བརྒྱད་ཀྱི་མཚན་ཐོ་དམིགས་བསལ། སྤྱི་ཆིངས་རྣམ་པར་སྤེལ་བ་ངོ་མཚར་ཆོས་ཀྱི་སྒོ་མང༌། ཐུན་མོང་བའི་སྔོན་འགྲོའི་གནད་བསྡུས་པ། སྔོན་འགྲོ་ཐུན་མོང་མ་ཡིན་པ་སོགས་གསུང་རབ་ངོ་མཚར་ཅན་མང་དུ་བཞུགས་པ་ལས། ས་སྐྱ་པའི་ཡབ་ཆོས་འགའ་རེའི་ཉམས་ཁྲིད་དང་གཞན་རྣམས་ལུང་ཁྲིད་ཀྱི་ཚུལ་དུ་ནོས་པའི་ཁྲིད་ཡིག་གི་རྣམ་གྲངས་ལ། མགོན་པོ་འཇམ་དཔལ་དབྱངས་ཀྱིས་རྗེ་བཙུན་ས་སྐྱ་པ་ལ་དངོས་སུ་གནང་བའི་བློ་སྦྱོང་ཞེན་པ་བཞི་བྲལ་གྱི་བརྒྱུད་པ་ནི། ཐུབ་དབང༌། འཇམ་དབྱངས། ས་ཆེན། རྩེ་མོ། གྲགས་པ། ས་པཎ། འཕགས་པ། ཞང་དཀོན་མཆོག་དཔལ། རྗེ་བྲག་ཕུག་པ། ཆོས་རྗེ་བླ་མ་དམ་པ། ཆོས་རྗེ་དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ངོར་ཆེན་རྡོ་རྗེ་འཆང༌། རྒྱལ་ཚབ་ཀུན་དགའ་དབང་ཕྱུག རྗེ་ཀུན་དགའ་མཆོག་གྲུབ། རྗེ་བཙུན་ཀུན་དགའ་གྲོལ་མཆོག རྗེ་བསྟན་འཛིན་ཉི་ཟླ་བཟང་པོ། རྗེ་ལྕགས་ཟམ་པ་ངག་དབང་ཉི་མ། དགེ་སྟེང་བླ་མ་ཀུན་དགའ་དཔལ་བཟང༌། ལྕགས་ཟམ་སྤྲུལ་སྐུ་ཀུན་དགའ་བསོད་ནམས་དབང་ཕྱུག ལོ་པ་སྤྱན་སྔ་ཀུན་དགའ་དོན་གྲུབ། དཔལ་ས་སྐྱ་པ་ཆེན་པོ་སྔགས་འཆང་ཐམས་ཅད་མཁྱེན་པ་ངག་དབང་ཀུན་དགའ་བསོད་ནམས། དེ་སྲས་དཔལ་ས་སྐྱ་པ་སྔགས་འཆང་ངག་དབང་བསོད་ནམས་དབང་ཕྱུག དེ་སྲས་སྔགས་འཆང་བླ་མ་ཐམས་ཅད་མཁྱེན་