[A:39]པ་ལས་འབྱུང་ཞིང༌། དེ་ལའང་སྒྲུབ་ཐབས་བརྒྱ་རྩ་དང་རྒྱ་མཚོ་སོགས་སུ་གྲགས་པའི་ཐུན་མོང་བ་དང༌། ཐུན་མོང་མ་ཡིན་པ་གཉིས་ལས། འདིར་ཐུན་མོང་མ་ཡིན་པ་ཟུར་བཀའ་དཔའ་བོ་རྡོ་རྗེ་དང་ག་ཡ་དྷ་རའི་མན་ངག་འབྲོག་མི་ལོ་ཙཱ་བ་ལས་བརྒྱུད་པ། ལྷན་སྐྱེས་རོལ་པ་དང་ཌོམྦི་པའི་མན་ངག་བ་རི་བ་ལས་བརྒྱུད་པ། གཉན་གྱི་གདམས་པ་སོགས་བཀའ་བབས་མང་དུ་བཞུགས་པའི་མན་ངག་གི་རིམ་པ་རྣམས་ཚར་པ་རྡོ་རྗེ་འཆང་གི་དཀར་ཆག་བཞིན་ཚང་བར་མནོས་པ་ལ། ཚོམ་བུ་ལ་བརྟེན་ནས་ཕྱི་སྒྲུབ་སྐུ་གསུང་ཐུགས་ཀྱི་རྗེས་སུ་གནང་བ་ཚར་ལུགས་ཐུན་མོང་བ་དང༌། ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱིས་མཛད་པའི་སྒྲུབ་ཐབས་རྗེས་གནང་གི་ཡི་གེ་ལ་བརྟེན་ནས་ངོར་ལུགས་ཐུན་མོང་མ་ཡིན་པའི་ཕྱི་སྒྲུབ་ཀྱི་རྗེས་གནང༌། དགའ་ལྡན་པ་ཀུན་བསོད་ཀྱི་ཡི་གེ་དང་ཟུར་འདེབས་དཔལ་ལྡན་བླ་མ་གཟུངས་ཀྱི་དཔལ་བས་མཛད་པ་དང་དམ་པའི་ཕྱག་ལེན་འཁྲུལ་མེད་ལ་བརྟེན་ནས་ཁའུ་པའི་ལུགས་ཀྱི་ནང་སྒྲུབ་ཐུན་མོང་མ་ཡིན་པའི་རྗེས་གནང༌། སོ་འཇིགས་མེད་གྲགས་པའི་ཡི་གེ་དང་མཁན་ཆེན་ངག་དབང་ཆོས་གྲགས་ཀྱིས་མཛད་པའི་བྱིན་རླབས་ཀྱི་ཡི་གེ་གསལ་བའི་སྒྲོན་མའི་སྟེང་ནས་སིནྡྷཱུ་རའི་དཀྱིལ་འཁོར་གསང་སྒྲུབ་ཀུ་རུ་ཀུ་ལླེ་ལྷ་ལྔའི་བྱིན་རླབས་དབང་བཞིའི་ཚུལ་དུ་བསྐུར་བ་རྣམས་ལེགས་པར་ནོས་ནས། རྒྱབ་བརྟེན་ལུང་གི་སྐོར་ལས། ཐོག་མར་དཔལ་ལྡན་ས་སྐྱ་པའི་ཁྱད་པར་གྱི་གསེར་ཆོས་དམར་པོ་སྐོར་གསུམ་ཞེས་གྲགས་པའི་ཆོས་སྐོར་གྱི་དཀར་ཆག་དབང་སྡུད་པདྨ་རཱ་གའི་ཟ་མ་ཏོག་གི་ཁ་འབྱེད་གནད་ཀྱི་ལྡེ་མིག་ཚར་ཆེན་རྡོ་རྗེ་འཆང་ཆེན་