[A:39]pa las 'byung zhing / de la'ang sgrub thabs brgya rtsa dang rgya mtsho sogs su grags pa'i thun mong ba dang / thun mong ma yin pa gnyis las/ 'dir thun mong ma yin pa zur bka' dpa' bo rdo rje dang ga ya dha ra'i man ngag 'brog mi lo tsA ba las brgyud pa/ lhan skyes rol pa dang Dombi pa'i man ngag ba ri ba las brgyud pa/ gnyan gyi gdams pa sogs bka' babs mang du bzhugs pa'i man ngag gi rim pa rnams tshar pa rdo rje 'chang gi dkar chag bzhin tshang bar mnos pa la/ tshom bu la brten nas phyi sgrub sku gsung thugs kyi rjes su gnang ba tshar lugs thun mong ba dang / thams cad mkhyen pa dkon mchog lhun grub kyis mdzad pa'i sgrub thabs rjes gnang gi yi ge la brten nas ngor lugs thun mong ma yin pa'i phyi sgrub kyi rjes gnang / dga' ldan pa kun bsod kyi yi ge dang zur 'debs dpal ldan bla ma gzungs kyi dpal bas mdzad pa dang dam pa'i phyag len 'khrul med la brten nas kha'u pa'i lugs kyi nang sgrub thun mong ma yin pa'i rjes gnang / so 'jigs med grags pa'i yi ge dang mkhan chen ngag dbang chos grags kyis mdzad pa'i byin rlabs kyi yi ge gsal ba'i sgron ma'i steng nas sindhU ra'i dkyil 'khor gsang sgrub ku ru ku lle lha lnga'i byin rlabs dbang bzhi'i tshul du bskur ba rnams legs par nos nas/ rgyab brten lung gi skor las/ thog mar dpal ldan sa skya pa'i khyad par gyi gser chos dmar po skor gsum zhes grags pa'i chos skor gyi dkar chag dbang sdud padma rA ga'i za ma tog gi kha 'byed gnad kyi lde mig tshar chen rdo rje 'chang chen