[A:568]བོ། པཎྜི་ཏ་ཟླ་བ་བཟང་པོ། པཎ་ཆེན་འབུམ་ཕྲག་གསུམ་པ་ནས་བཟུང་ཆོས་རྗེ་བཀའ་འགྱུར་བ་ཤཱཀྱ་རྒྱལ་མཚན་གྱི་བར་ཡང་ཉི་ཁྲི་ལྟར་ལས། ཐམས་ཅད་མཁྱེན་པ་རྡོ་རྗེ་གདན་པ། ཡངས་པ་ཅན་པ་རྒྱ་སྟོན་བྱང་ཆུབ་དབང་རྒྱལ། མཁྱེན་བརྩེའི་དབོན་པོ་ཚེ་དབང་ཀུན་མཁྱེན། ཀུན་བཟང་རྩེ་བ་དབང་ཕྱུག་རྒྱལ་མཚན། དཔལ་འབྱོར་གླིང་པ་ངག་དབང་རྣམ་རྒྱལ། རྡོ་རྗེ་འཆང་བཀའ་འགྱུར་བ་མགོན་པོ་བསོད་ནམས་མཆོག་ལྡན། སྤྲུལ་སྐུ་པདྨ་ཕྲིན་ལས། དགེ་སློང་ངག་དབང་རབ་བརྟན། བཀའ་འགྱུར་བ་སངས་རྒྱས་རྒྱལ་མཚན། ངག་དབང་ཀུན་དགའ་ལེགས་པའི་འབྱུང་གནས། མཁྱེན་རབ་བསྟན་འཛིན་ལྷུན་གྲུབ་དཔལ་བཟང་པོ། བཀའ་དྲིན་ཟླ་མེད་བཀའ་འགྱུར་བ་ཆེན་པོ་ཆོས་རྗེ་བསོད་ནམས་བློ་གྲོས། དེས་བདག་ལའོ། །མཁས་གྲུབ་སྨན་ལུང་པས་བཀྲ་ཤིས་ཆོས་སྡེར་རྗེ་བཙུན་བཀའ་འགྱུར་བ་ཆེན་པོ་ལ་ལུང་གསན་ཟིན་པ་དང་རྗེས་སུ་ལྷོ་བྲག་ཉི་ལྡེར་དྷཱི་ཚ་སྤྲུལ་སྐུ་ལ་ཤེར་ཕྱོགས་གསན་སྐབས་སྤྲུལ་སྐུ་སྤྱན་བསྙུན་པའི་འོ་བརྒྱལ་བ་འབྱུང་བར་བརྟེན་བརྒྱད་སྟོང་པ་སྔར་གྱི་དེ་གས་གོ་བཅད་པའི་བསྐྱར་ནས་མ་གསན་འདུག ཡང་འཇམ་དབྱངས་དཀོན་མཆོག་ཆོས་འཕེལ་ལ་ཚར་གཅིག་ཐོབ་པ་སྤག་ཤོང་ཆོས་རྗེ་རིན་ཆེན་རྒྱ་མཚོར་གསན་གསུང་བ་ལས་བརྒྱུད་པ་མ་བྱུང༌། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་བརྒྱད་སྟོང་པ་བམ་པོ་དྲུག་ཅུ་ལེའུ་བརྒྱད་ཅུ་རྩ་གཉིས་པ་
་་་་་གོང་དཀར་བ་དང་རིན་པོ་ཆེ་སྨན་ལུང་པའི་གསན་ཡིག་ན་འདི་བཞིན་བྱུང་ཡང་ཚལ་པ་བཀའ་འགྱུར་ན་རྩ་བདུན་ཟེར་བ་སྣང༌།
ལོ་ཙཱ་བ་བནྡེ་ཡེ་ཤེས་སྡེ་སོགས་ཀྱིས་བསྒྱུར་བ་ཐོབ་པའི་བརྒྱུད་པ་ནི། ཤཱནྟི་པ་ཡན་ཉི་ཁྲི་ལྟར་ལ། དེ་ནས་ཛྙཱ་ན་ཀཱིརྟི། རོང་ཟོམ་ཆོས་