[A:572]བཅས་བྲིས།
ཕྱིན་རྡོ་རྗེ་རྒྱལ་མཚན་རྣམས་ཐོབ་པ་ལས་ཤེས་རབ་སྙིང་པོ་མ་གཏོགས་པའི་གོང་གསལ་ཆོས་བཅུ་བཞིའི་བརྒྱུད་པ་ནི། ཡང་དག་པར་རྫོགས་པའི་སངས་རྒྱས། འཕགས་པ་བྱམས་པ། ཐོགས་མེད། དབྱིག་གཉེན། འཕགས་པ་གྲོལ་སྡེ། བཙུན་པ་གྲོལ་སྡེ། མཆོག་གི་སྡེ། དུལ་བའི་སྡེ། རྣམ་པར་སྣང་མཛད་བཟང་པོ། སེངྒེ་བཟང་པོ། སངས་རྒྱས་ཡེ་ཤེས་ཞབས། གུ་ཎ་མི་ཏྲ། རཏྣ་སརྦ་ཐཱ། སློབ་དཔོན་ཤཱནྟི་པ། ཁ་ཆེ་ཛྙཱ་ན་ཤྲཱི། སུ་མ་ཏི་ཀཱིརྟི། སྨྲྀ་ཏི་ཛྙཱ་ན་ཀཱིརྟི། རོང་ཟོམ་ཆོས་བཟང༌། ཉང་ཏིང་འཛིན་བཟང་པོ། མངའ་བདག་ཉང་གི་ཡབ་ཉང་སྟོན་ཆོས་འཁོར་གྱི་མཚན་གྱི་རྣམ་གྲངས་ལས་བི་མཱ་ལའི་སློབ་མ་ཉང་ཏིང་འཛིན་བཟང་པོ་ནི་མིན་ནོ། །ལྷོ་པ་ཐམས་ཅད་མཁྱེན་པ། འདི་རྗེ་བཙུན་ས་པཎ་གྱི་དངོས་སློབ་ཡིན་ཅིང་སྨྲྀ་ཏི་ཇོ་བོ་རྗེ་དང་དུས་མཚུངས་པས་ཏིང་འཛིན་བཟང་པོ་དེ་དགུང་ལོ་བརྒྱ་ལྷག་ཙམ་བཞུགས་ན་མ་གཏོགས་པར་འདིར་བླ་མ་གཅིག་གཉིས་ཤིག་ཆད་དམ་ཡང་ན་ལྷོ་ལ་ཡག་པ་བྱང་ཆུབ་དངོས་གྲུབ་ལ་ལྷོ་པ་ཐམས་ཅད་མཁྱེན་པར་གྲགས་པས་དེ་ཡིན་ན་དུས་འགྲིགས་པ་འདྲེའོ་ཞེས་དཔའ་བོའི་གསན་ཡིག་ཏུ་བྲིས་འདུག་པ་དཀོན་བརྩེགས་ཀྱི་བརྒྱུད་པར་རྡོ་རྗེ་གདན་པ་ཆུང་བ་དང་ལྷོ་པ་ཀུན་མཁྱེན་གྱི་བར་ན་བླ་མ་བཞི་ཙམ་འདུག་པས་ཧོལ་ཁོངས་ཤིག་བྱུང་བ་འདྲའོ། །ཞེས་རྒྱལ་དབང་ལྔ་པའི་གསན་ཡིག་ཏུ་སྣང་ངོ༌། །བླ་མ་གྲགས་པ་སེངྒེ། སྤྱིལ་བུ་བ་འོད་ཟེར་ཤེས་རབ། བླ་མ་དར་མ་འོད་ཟེར། བླ་ཞིག་བྱང་ཆུབ་རྡོ་རྗེ། བདེ་བ་ཅན་པ་ཡེ་ཤེས་མགོན་པོ། བདེ་བ་ཅན་པ་ཡེ་ཤེས་རྒྱལ་མཚན། གར་ཐིག་པ་བསོད་ནམས་རྒྱལ་མཚན་ནས། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། སློབ་དཔོན་བསོད་ནམས་སེངྒེ། ཚལ་རིན་ཆེན་གྲགས་དོན་པ། བླ་མ་རིན་